ગુગલમાં Idiot લખીએ તો આવે છે આ નેતાનું નામ, કોંગ્રેસ બોલ્યું Google આનો જવાબ આપે

વિશ્વના પ્રખ્યાત સર્ચ એન્જીન Google પરજ્યારે તમે ‘IDIOT’ શબ્દ સર્ચ કરો ત્યારે અમેરિકી રાષ્ટ્ર પ્રમુખ ડોનાલ્ડ ટ્રમ્પની તસવીર બટવવામાં આવતી હોય છે. અમેરિકન ડેમોક્રેટિક મહિલા સાંસદ ઝો લોફગ્રેને આ અંગે એક સવાલ કર્યો કે જ્યારે ગૂગલમાં ‘ઈડિયટ’ સર્ચ કરવામાં આવે ત્યારે અમેરિકી રાષ્ટ્રપ્રમુખ ડોનાલ્ડ ટ્રમ્પની અનેક તસવીરો કેમ જોવા મળે છે? આવા અનેક સવાલો આપણા મનમાં પણ થતા હશે. આ રીતે ભારતમાં જોવા જઈએ તો વડાપ્રધાન મોદીની તસવીરો પણ ગુગલ સર્ચમાં Feku શબ્દ લખતા દેખાઈ આવે છે, જે બાબતે આજ દિન સુધી કોઈ કાર્યવાહી થઇ શકી નથી.

ગુગલ સર્ચમાં જ્યારે કોઈ યૂઝર કીવર્ડ નાખે છે ત્યારે એલ્ગોરિથમના આધાર પર યૂઝર તે વેબપેજ અને ફોટો શોધે છે. હકીકતમાં ગુગલ સર્ચ એન્જીનને એ પ્રકારે ડિઝાઈન કરવામાં આવ્યું છે કે જ્યારે કોઈ શબ્દને વારંવાર સર્ચ કરવામાં આવે ત્યારે સર્ચ એન્જીન તે કીવર્ડને પોપ્યુલર કેટેગરીમાં નાખી દે છે.

ઉલ્લેખનીય છે કે કેટલાક રિપબ્લિકન સાંસદોએ ગૂગલ પર આરોપ લગાવ્યો છે કે ગૂગલના કર્મચારીઓ રાજકીય કારણોસર પરિણામોમાં હેરફેર કરીને રજૂ કરે છે. જો કે રિપબ્લિક પાર્ટીના સાંસદોના આવા આરોપોને ગૂગલ સીઈઓએ નકારી દીધા હતા અને કહ્યું હતું કે કોઈ એક વ્યક્તિ કે કોઈ ગ્રૂપ દ્વારા પણ આમ કરવું શક્ય નથી. કેમકે આ પ્રક્રિયામાં અનેક સ્ટેપ્સમાંથી પસાર થવાનું હોય છે. જો કે રિપબ્લિકન સાંસદો પિચાઈના જવાબથી સંપૂર્ણ સંતુષ્ટ નહોતા.