સુરત: કુમાર કાનાણીના વાયરલ વિડીઓને લઈને AAPના કાર્યકર્તાની ધરપકડ, પોલીસ સ્ટેશન બહાર કરવામાં આવ્યો ઉગ્ર વિરોધ

આગામી સમયમાં ગુજરાત રાજ્યમાં વર્ષ 2022 વિધાનસભાની ચુંટણી યોજાવાની છે. જેને લઈને અત્યારથી જ રાજકીય પાર્ટીઓ તડામાર તૈયારીઓમાં લાગી ગઈ છે. આમ આદમી પાર્ટી ગુજરાતમાં ખુબ જ મોટા મોટા દાવાઓ કરી રહી છે અને દિલ્હીના કેજરીવાલની નજર પણ ગુજરાત રાજ્યની વિધાનસભાની ચુંટણી પર છે.

અલગ અલગ જીલ્લા, તાલુકા અને શહેરના લોકો અને સાથે સામાજિક અગ્રણીઓ તથા અન્ય રાજકીય પક્ષના નેતાઓ આમ આદમી પાર્ટીમાં જોડાઈ રહ્યા છે. લોકો હવે સરકારથી કંટાળીને લોકો મોટી સંખ્યામાં આમ આદમી પાર્ટીમાં જોડાય રહ્યા છે. જેને લીધે આમ આદમી પાર્ટી ખુબ જ મજબુત બનીને આગળ વધી રહી છે. આગામી સમયમાં પણ કેટલાય લોકો આમ આદમી પાર્ટીમાં જોડાશે તેવું આમ આદમી પાર્ટીની લોકપ્રિયતા જોઇને લાગી રહ્યું છે.

ત્યારે હવે સુરત શહેરથી મોટા સમાચાર સામે આવી રહ્યા છે. સુરતમાં આરોગ્ય મંત્રી કુમાર કાનાણીના વાયરલ વિડીઓ અંગે આમ આદમી પાર્ટીના કાર્યકર્તાની ધરપકડ કરી લીધી છે. જોવા જઈએ તો થોડા સમય પહેલા આરોગ્ય મંત્રી કુમાર કાનાણીનો એક વિડીઓ એડિટ કરીને વાયરલ કરવામાં આવ્યો હતો.