ઈમાનદાર & શિક્ષિત પાર્ટીના ટોળા: ઇસુદાન અને ગોપાલે માસ્ક બાબતે ભાજપ પર બરાડા નાખ્યા’તા હવે ભૂલી ગયા

ભાજપના નેતાઓ જ્યારે કોરોના મહામારી દરમ્યાન રેલીઓ કાઢતા હતા, ત્યારે પૂર્વ પત્રકાર રહી ચૂકેલા ઈશુદાન ગઢવી પોતાના મહામંથન કાર્યક્રમ માં બહુ ગાજતા હતા. પરંતુ હવે હવે નેતા બની ગયા બાદ પોતે જ નિયમોને નેવે મૂકીને ભીડ ભેગી કરી રહ્યા છે. અને કોરોનાની ત્રીજી લહેરને આમંત્રણ આપી રહ્યા છે.

આટલું જ નહીં પોતાને શિક્ષિત પાર્ટીના પ્રમુખ ગણાવતા ગોપાલ ઇટાલીયા એ પણ આ કારસ્તાન માં ભાગીદારી નોંધાવી છે. મોટી સંખ્યામાં આપણા કાર્યકર્તાઓની ભીડ ભેગી કરીને આમ આદમી પાર્ટીના નેતાઓ પણ હવે ભાજપની માફક કોરોના ની આગામી લહેરને ખુલ્લું આમંત્રણ આપી રહ્યા છે.

આમ આદમી પાર્ટીમાં જોડાયા બાદ ઈશુદાન ગઢવી આજે સુરતની મુલાકાતે છે. અને ઠેર ઠેર તેમનું સ્વાગત યોજાઈ રહ્યું છે. અને હજુ મોડી સાંજ સુધી તેમના કાર્યક્રમો સુરત જિલ્લામાં ગોઠવાય ગયા છે, ત્યારે હજુ પણ આવી તસવીરો સામે આવી શકે છે.