સુરત વધુ એક વાર શર્મસાર: 24 વર્ષીય નરાધમે વોચમેનની નાની દીકરી સાથે કર્યું પાશવી દુષ્કર્મ

આજકાલ જાણે યુવતીઓથી લઈને નાની બાળકીઓ એક પણ જગ્યાએ સુરક્ષિત નથી. એવા ઘણા કિસ્સા સામે આવી રહ્યા છે જેમાં હવસખોરો નાની નાની બાળકી સાથે પણ શારીરિક અડપલા કરે છે અને દુષ્કર્મ પણ આચરે છે. જેથી યુવતીઓ તેમજ બાળકીઓ બહાર નીકળતા પણ ડરે છે. આ દરમિયાન સુરતમાંથી એવો જ એક કિસ્સો સામે આવ્યો છે.

સુરતમાં હવે બાળકીઓ પણ સુરક્ષિત નથી એવું લાગી રહ્યું છે. જાણવા મળ્યું છે કે, સુરતના અમરોલી વિસ્તારમાં 6 વર્ષની માસુમ બાળકી સાથે 24 વર્ષીય હવસખોરે દુષ્કર્મ આચર્યું છે. 24 વર્ષીય આ નરાધમનું નામ ઈશોર ઢાકલ હોવાનું સામે આવ્યું છે.

ઈશોરે એકલતાનો લાભ લઈને બાળકી પર બળાત્કાર ગુજાર્યો હતો. મળતી માહિતી મુજબ, ઈશોર ગોપાલ હોટલમાં રસોયા તરીકે કામ કરતો હતો. આ અંગે પોલીસને જાણ થતા અમરોલી પોલીસ દ્વારા તાત્કાલિક નરાધમની ધરપકડ કરવામાં આવી છે અને વધુ શોધખોળ શરૂ કરવામાં આવી છે.

આ બાબતે ત્રિશુલ ન્યુઝની વાતચીતમાં ડીસીપી પન્ના મોમાયા એ જણાવ્યું કે, અમરોલી પોલિસ સ્ટેશન વિસ્તારમાં વોચમેનની દીકરી સાથે પરિચિત યુવાને જ તક જોઇને દુષ્કર્મ ગુજાર્યું છે અને તેની ધરપકડ કરીને આગળની કાર્યવાહી હાથ ધરવામાં આવી છે. દીકરીના માતા કામ થી બહાર ગયેલ ત્યારે દુષ્કર્મ આચર્યું હતું.