સુરત: રાતના અંધારામાં થયું બાળકીનું અપહરણ, શંકાસ્પદ મહિલા CCTVમાં કેદ

સુરતના વરાછા વિસ્તારમાં ત્રણ વર્ષની બાળકીનું અપહરણ થયુ. માતા-પિતા વહેલી સવારે જ્યારે જાગ્યા ત્યારે જોયું કે બાળકી તેમની પાસે નથી. બાળકીની ભાળ ન મળતા તેના માતા-પિતાએ વરાછા પોલીસ સ્ટેશનમાં ફરિયાદ નોંધાવી છે.

પોલીસે બાળકી ગુમ થયાના મામલે જુદી-જુદી ટીમ બનાવી તપાસ પણ શરૂ કરી છે. પોલીસને તપાસ દરમ્યાન રેલવે સ્ટેશન પાસેથી શંકાસ્પદ મહિલાના સીસીટીવી ફુટેજ મળી આવ્યા છે. તો બીજી તરફ ક્રાઇમ બ્રાન્ચની ચાર ટીમ, એસઓજીની ટીમ અને વરાછા પોલીસની ત્રણ ટીમો બાળકીની શોધખોળ માટે કામે લાગી છે.

પોલીસ રેલ્વે સ્ટેશન સહિત બસ સ્ટેન્ડના આશરે 200 જેટલા સીસીટીવી ફૂટેજને જોવામાં આવી રહ્યા છે. ત્યારે પોલીસે બાળકીને શોધવા પોસ્ટરના આધારે પણ તપાસ શરૂ કરી છે.