સુરત: આંગણામાં રમી રહી હતી બાળકી, અચાનક દીપડાએ કર્યો હુમલો અને પછી…

સુરત જીલ્લા માંડવીમાં એક વખત ફરી દીપડાનો આતંક બહાર આવ્યો છે. ગુરુવારનાં રોજ સાંજનાં સમયે આંગણમાં રમતી બાળકી ઉપર હુમલો કરી બાળકીને મોતને ઘાટ ઉતારી દીધી હતી. જોકે, દીપડાનાં હુમલાનાં 24 કલાકની અંદર જ પીડિત પરિવારજનોને ચાર લાખ રૂપિયાની સહાયનો ચેક આપ્યો હતો.

મળેલ માહિતી અનુસાર દીપડાનાં હુમલામાં મૃત્યુ થયા પછી મૃતકનાં પરિવારને ચાર લાખ રૂપિયાની સહાયની 24 કલાકમાં ચુકવવામાં આવી હતી. માંડવી તાલુકાનાં દક્ષિણ રેન્જનાં વદેશીયા ગામે ગતરોજ વન્યપ્રાણીએ મધરકુઈ ગામની રહેવાસી આરવી યોગશભાઈ ગામીત ઉપર હુમલો કરી મૃત્યુ નીપજાવ્યું હતું. જેનાં પરિવારજનોને મદદ પેટે ચાર લાખ રૂપિયા આપવામાં આવ્યા છે. બીજી બાજુ વનવિભાગની ટીમ અને લેપર્ડ એમ્બેસિટરની ટીમ સુરત શહેર દ્વારા દિપડાને પકડવા માટે અલગ અલગ ત્રણ ટીમો બનાવી બધી ટીમમાં 10-10 સભ્યો રાખી સવારનાં 6 વાગ્યાથી રાત્રીનાં 10 વાગ્યા સુધી તપાસ કરી હતી.

મૃતક દીકરીનાં પરિવારને સાંસદ પ્રભુભાઈ વસાવાની ઉપસ્થિતિમાં ચાર લાખ રૂપિયાની સહાય આપવામાં આવી હતી. જેમાં વદેશીયાનાં સરપંચ અને મૃતકનાં પરિવારજનો ઉપસ્થિત રહ્યાં હતાં. દીપડાને શોધવા માટે 5 ટ્રેપ કેમેરા તેમજ 2 CCTV કેમરા મુકવામાં આવ્યાં છે. તેની સાથે 7 જગ્યાએ મારણ તેમજ પાંજરા પણ મુકવામાં આવ્યાં છે.

નોંધનીય છે કે, સુરત શહેરનાં માંડવી તાલુકાનાં મધરકુઈ ગામે મોડી સાંજનાં સમયે યોગેશ ભાઈ ગામીતની દીકરી આરવી ઘરની બહાર પોતાનાં નાના ભાઈ સાથે રમી રહી હતી તે સમયે અચાનક દીપડાએ આરવી ઉપર હુમલો કરી દીધો હતો તેમજ ગળાનાં ભાગેથી આરવીને પકડીને ખેતરમાં લઇ ગયો હતો. જોકે નાના ભાઈએ બુમાબુમ કરતાં ઘર પરિવારજનોનાં દીપડાની પાછળ દોડતા દીપડો આરવીને મૂકીને ખેતરમાં ભાગી ગયો હતો ,જોકે પરિવારજનો આરવી સુધી પહોચે ત્યાં સુધીમાં આરવીનું મૃત્યુ થઇ ચુક્યું હતું.