સુરતમાં 1 કરોડના ડ્રગ્સ કેસમાં મોટો ખુલાસો: કેમિકલમાંથી એમડી ડ્રગ્સ બનાવતો હતો આરોપી

સુરતમાં ડ્રગના ઘણા કેસો સામે આવી રહ્યા છે. ત્યારે 9 મહિના અગાઉ એક કરોડનું એમડી ડ્રગ્સ ઝડપાયો હતું. પરંતુ પોલીસ તપાસમાં તેને લગતા ચોંકાવનારા બીજા ઘણા ખુલાસા થયા છે. મહારાષ્ટ્રથી 1 કરોડના ડ્રગ્સ કેસમાં આરોપી મનોજ પાટીલ ઝડપાયો છે. ઈન્ટરનેટ ઉપરથી તે પોતાના ઘરે લેબમાં MD ડ્રગ્સ બનાવતો હતો.

સુરતના ડુમસમાં 9 મહિના પહેલા કરોડના એમડી ડ્રગ સાથે સલમાન ઝવેરી નામના યુવકની ધડપકડ કરવામાં આવી હતી. ત્યારબાદ સુરત પોલીસે આ ડ્રગ્સ કેસમાં મુખ્ય આરોપી મનોજ પાટીલની પણ ધડપકડ કરી હતી. ક્રાઈમ બ્રાન્ચે મનોજ પાટીલને મુંબઈના પનવેલ પાસેથી ઝડપી પાડ્યો છે.

પોલીસ તપાસમાં જાણવા મળ્યું છે કે, મુંબઈમાં મનોજ પાટીલને વાપીની મિલમાંથી અન્ના મોંઘી કિંમતના બે કેમિકલો સપ્લાય કરવામાં આવતો હતો. મનોજ પાટીલે એમડી ડ્રગ્સ બનાવવા માટે ઘરમાં લેબ બનાવી હતી. મનોજ પાટીલ આ કેમિકલની મદદથી ઘરે જ એમડી ડ્રગ્સ બનાવતો હતો. ડ્રગ્સ બનાવવા માટે તે ઈન્ટરનેટની મદદ લેતો હતો.

મનોજ પાટીલે બોઈલર મિકેનિકલનો કોર્ષ કર્યો હતો. તે મુંબઈમાં પોતાના ઘરે જ ડ્રગ્સ બનાવતો હતો. જેના બાદ તે વાપીથી સુરત ખાતે રહેતા સલમાન ઝવેરીને સપ્લાય કરતો હતો. ત્યારબાદ અન્ના અન્ડાપયાન અને પ્રવિણ રોહીદાસ મ્હાત્રે મારફતે વાપીના મનોજ શીતલપ્રસાદ ભગતને સપ્લાય કરતો હતો. પોલીસે સુરતના ડ્રગ્સ કેસમાં 16 આરોપીઓની ધડપકડ કરવામાં આવી છે.