સુરતમાં ટપોરીઓ બન્યા બેફામ: બારમું ભણતા વિદ્યાર્થીની હત્યા પહેલાના દ્રશ્યો સીસીટીવીમાં કેદ- જુઓ અહી

સુરતમાં હવે અસામાજિક તત્વો ને પોલીસ ની ખાખી વરદી નો ખોફ ન રહ્યો હોય તેવું લાગી રહ્યું છે. એક જ દિવસમાં ગુનેગારો બે બે હત્યા ને અંજામ આપી નાસી ચુક્યા છે. લિબાયતમાં મોડી રાત્રે નજીવી બાબતે બોલાચાલી થતા ધો 12 ના વિદ્યાર્થીના માથા પર પથ્થર ના ઘા મારી હત્યા કરવામાં આવતા ચકચાર મચી જવા પામી છે. સમગ્ર ઘટના સીસીટીવી કેમેરામાં કેદ થઇ ગઇ હતી.

સુરતના લિબાયત વિસ્તારમાં રહેતો 18 વર્ષીય સાહિલ જોશી ધો 12માં અભ્યાસ કરતો હતો. ગતરોજ રાત્રી દરમિયાન સાહિલ ઘર પાસે જ બેઠો હતો. દરમિયાન સાહિલ ની અન્ય 3 લોકો સાથે કોઈક વાત ને લઈ ને બોલાચાલી કરી હતી. બાદ માં આ ત્રણેય યુવાનોએ ભેગા મળી સાહિલના માથા પર પથ્થરના ઘા મારી ભાગી છૂટ્યા હતા. બાદમાં 108 દ્વારા સાહિલ ને સ્મીમેર હોસ્પિટલ લાવવામાં આવ્યો હતો. જ્યાં હાજર તબીબે તેને મૃત ઘોષિત કરતા પરિવારજનો ના પગ તળિયે થી જમીન સરકી પડી હતી.