બાંગ્લાદેશી યુવતીઓને સુરત લાવી કરવામાં આવતો હતો દેહવ્યાપાર, ઘટના જાણી પોલીસ પણ ગોટે ચડી  

સમગ્ર વિશ્વમાં એક પણ જગ્યા એવી નથી કે જ્યાં મહિલાઓ સુરક્ષિત હોય. એવી અને ઘટનાઓ સામે આવે છે જેમાં મહિલાઓ, કિશોરીઓ તથા નાની બાળકીઓનો પણ દેહવ્યાપાર અથવા બળાત્કાર કરવામાં આવે છે. આ દરમિયાન એવો જ એક કિસ્સો સામે આવ્યો છે જેમાં એક ગરીબ નિર્દોષ કિશોરીનો દેહવ્યાપાર કરવામાં આવતો હતો.

જે બાંગ્લાદેશ પોતાની જીડીપી મજબૂત હોવાના દાવાઓ કરી રહ્યું છે ત્યાંની ગરીબ નિર્દોષ યુવતીઓની જિંદગીનો ભોગ લઈ રહી છે એવું કહેવામાં સહેજ પણ અતિશયોક્તિ નથી. કારણ કે, બાંગ્લાદેશી યુવતીઓ પાસે દેહવ્યાપાર કરાવવાના ગોરખધંધાનો સુરત પોલીસે પર્દાફાશ કર્યો છે. સુરત પોલીસ દ્વારા બાંગ્લાદેશી કિશોરીને અને દલાલને ઝડપી પાડવામાં આવ્યો છે સાથે જ કિશોરીને રેસ્ક્યૂ કરવામાં આવી છે.

મળતી માહિતી મુજબ, બાંગ્લાદેશમાં આર્થિક પરિસ્થિતિ ખરાબ હોય તેવા પરિવારની દીકરીને પૈસા આપી સુરત લાવવામાં આવી હતી. ત્યારબાદ આ દીકરીને સુરતમાં દેહવક્રિયના ધંધામાં ધકેલી દેવામાં આવી. આ વાતની જાણ તથા એસઓજી પોલીસે સુરત રેલ્વે સ્ટેશન બહાર સીટી બસ સ્ટેશન પાસેથી એક કિશોરીને પકડી હતી અને તેને દેહવક્રિયના ધંધામાં ધકેલનાર દંપતી તથા સુરત સુધી લાવનાર દલાલને પણ પકડી પાડવામાં આવ્યા હતા.

બાંગ્લાદેશના દલાલને પોલીસ દ્વારા વોન્ટેડ જાહેર કરવામાં આવ્યો છે. જાણવા મળ્યું છે કે, શહેરમાં ચોથીવાર હ્યુમન ટ્રાફિકીંગ ઘટના સામે આવી છે. એસઓજી પોલીસને બાતમી મળી હતી કે, કેટલાક ઈસમો દ્વારા બાંગ્લાદેશથી બાળ કિશોરીઓની તસ્કરી કરી સુરત લાવવામાં આવે છે અને ત્યારબાદ તેમને દેહવક્રિયના વેપારમાં ધકેલી દેવામાં આવે છે.