રાત્રી કર્ફ્યુનો લાભ ઉઠાવી સુરતમાં તસ્કરો એવી-એવી ઘટનાને અંજામ આપી રહ્યા છે કે, આ વિડીયો જોઇને તમારી રાતની ઊંઘ ઉડી જશે

સમગ્ર રાજ્યમાં કોરોના મહામારીમ દરમિયાન અમલમાં મુકાયેલ રાત્રી કર્ફ્યું બાદથી ચોરીની ઘટનામાં સતત વધારો થવાં જઈ રહ્યો છે. રાજ્યના સુરત શહેરમાંથી પણ સતત ચોરીની ઘટનાઓ સામે આવતી હોય છે ત્યારે કોરોનાને લઈ રાજ્યના 4 મહાનગરોમાં રાત્રિ કર્ફ્યુ લાદવામાં આવ્યો છે, ત્યારથી તસ્કરોને જાણે મજા આવી ગઈ છે.

કારણ કે, રાત્રિ પડતાની સાથે જ લોકો પોતાના ઘરમાં જતા રહે છે તેમજ તસ્કરો ગાડીઓની ચોરી કરીને ભાગી જાય છે. જો કે, બાઈક ચોરીની એક ઘટના CCTVમાં કેદ થઈ જતા પોલીસ દ્વારા આ મામલે તપાસ શરૂ કરી દેવામાં આવી છે. શહેરમાં કોરોના સંક્રમણમાં સતત વધારો થતો હોવાને લીધે રાત્રિ કર્ફયૂ લાદવામાં આવ્યો છે.

આ કર્ફ્યૂનો લાભ તસ્કરો ઉઠાવી રહ્યા છે. કારણ કે, કર્ફ્યૂ લાગતાંની સાથે જ લોકો પોતાના ઘરમાં જતા રહે છે તેમજ પોલીસ પણ રસ્તા પરથી ગાયબ થઇ જાય છે ત્યારે આ તકનો લાભ લઈને તસ્કરો ચોરીની ઘટનાને અંજામ આપી રહ્યા છે. ગતરોજ શહેરના સિંગણપોર વિસ્તારમાંથી ચોરીની એક ઘટના સામે આવી છે.

સિંગણપોર ગામનાં એક મકાનમાં રહેલ હાઈટેક સ્પોર્ટ્સ બાઇક તસ્કરો ચોરી કરવાના ઇરાદેથી આવ્યા હતા.  આ બાઇક ચોરીનો લાઇવ વીડિયો CCTVમાં કેદ થયો હતો. જો કે, બાઇક માલિકની ફરિયાદને આધારે પોલીસ દ્વારા ગુનો નોંધીને સ્પોર્ટ્સ બાઇકનાં ચોરોને શોધવાની તજવીજ હાથ ધરવામાં આવી છે.