સુરતમાં ઝડપાયો રીઢો ચોર: દિવસે કરતો કડિયા કામ અને રાતે કરતો હતો ફિલ્મીઢબે ચોરી

સુરત શહેરનાં જુદા જુદા વિસ્તારોમાં કડિયાકામનાં બહાને મોટર સાઈકલ ચોરી કરતી મધ્યપ્રદેશની આંતરરાજ્ય. ગેંગનાં સાગરીતને સુરત ગ્રામ્ય એલ.સી.બી પોલીસે ચોરી કરેલ મોટર સાઈકલની સાથે ઝડપી પાડી મોટી માત્રામાં ચોરીનાં મોટર સાઈકલ કબ્જે કરી જુદા જુદા જિલ્લાનાં મોટર સાઈકલ ચોરીનાં ગુનાઓનો ભેદ ઉકેલ્યો છે.

જેથી સુરત ગ્રામ્ય એલ.સી.બી અને પેરોલ ફલો સ્કોડ પોલીસનાં માણસો પેટ્રોલિંગમાં હતા તેમાં એલ.સી.બી પોલીસમાં ફરજ બજાવતા પોલીસ કર્મચારીને બાતમી મળી હતી કે, નરેશ ક્મ્લેશ અને જેરામ બામણીયા નામનાં 2 ઈસમો તેમનાં સાગરીતો સાથે મળીને મોટર સાઈકલ ચોરી કરી મધ્યપ્રદેશ રાજ્ય ખાતે લઈ જનાર છે તેમજ તેથી એલ.સી.બી સ્ટાફનાં માણસો કામરેજ ખાતે જુદી જુદી રીતે વોચમાં ગોઠ્વાયા હતા.

બાતમીનાં આધારે એક 20 વર્ષનાં શખ્સ આવતા તેને રોકીને કડકાઈ પૂર્વક પૂછયા પછી બાતમીનાં આધારે ખરાય કરતા શખ્સે તેનું નામ નરેશભાઈ ગુજરીયા કલેશ કહ્યું હતું તેમજ પોતે ચલાવી લાવેલ મોટરસાયકલ ચોરીનું હોવા અંગેનું કબુલ્યું હતું તેથી એલ.સી.બી પોલીસે તેની અટકાયત કરી વધારે તપાસ આદરી હતી અને વધારે તપાસ આદરતા એલ.સી.બી પોલીસને મધ્યપ્રદેશની એક કડી મળી હતી તેમજ ત્યાં તપાસ અર્થે જતા પોલીસને મોટી સફળતા મળી હતી.

એમાં આરોપીએ એનાં સાગરીતો સાથેની મળીને 30 જેટલી મોટરસાયકલ ચોરી કરીને તેનાં ગામ ખાતે લઈ ગયા હતા જ્યાં એલ.સી.બી પોલીસને એક સાથે 30 જેટલી ચોરાયેલ બાઈકો જેની કુલ કિંમત રૂપિયા 7 લાખ 63 લાખનો મુદામાલ કબ્જે કરી આ ચોરીનાં ગુનામાં સંડોવાયેલ બીજા 4 શખ્સોને વોન્ટેડ જાહેર કર્યા હતા.