અરે બાપ રે! એક જ દિવસમાં સુરતીલાલાઓ ઝાપટી ગયા 8 કરોડ રૂપિયાની 1.30 લાખ કિલો ઘારી

ગુજરાત: આપને જણાવી દઈએ કે, ચંદી પડવાના દિવસ અગાઉ જ સુરત શહેર (Surat city) માં ઘારીની દુકાનો પર લાઈન લાગી જતી હોય છે. ચંદી પડવા માટે ફક્ત સુરતમાં જ દોઢ લાખ કિલો ઘારીનું માર્કેટ (Market) રહ્યું છે. જો કે, ચંદી પડવા પહેલાં જ શહેરમાં લગભગ 1.30 લાખ કિલો ઘારીનું વેચાણ થઈ ચુક્યું છે. લગભગ 8.06 કરોડ રૂપિયાની સુરતમાં ઘારી વેચાઈ ચુકી છે.

શહેરમાં 10 મહિનામાં જેટલી ઘારી વેચાય એટલી ઘારી ફક્ત એક જ દિવસમાં વેચાઈ ચુકી છે. જયારે બીજી બાજુ, આ વર્ષે મીઠાઈની દુકાનોમાં શુગર ફ્રી ઘારી વધુ વેચાઈ રહી છે. અત્યાર સુધીમાં શહેરની બધી મીઠાઈ શોપ મળીને લગભગ 10,000 કિલો જેટલી શુગર ફ્રી ઘારી વેચાઈ ગઈ છે.

ચંદી પડવાના તહેવારને ધ્યાનમાં રાખી સુમૂલ ડેરી દ્વારા 5,000 કિલો શુગર ફ્રી ઘારી તૈયાર કરવામાં આવી હતી પણ ચંદી પડવો આવે એનાં પહેલા જ બધી જ શુગર ફ્રી ઘારી વેચાઈ ગઈ હતી. શહેરમાં લગભગ 10,000 કિલો શુગર ફ્રી ઘારી વેચાઈ ગઈ છે.

સુમૂલે આ વર્ષે 3 ગણી શુગર ફ્રી ઘારી બનાવી:
સુમૂલ ડેરીએ ગત વર્ષે કુલ 80,000 કિલો ઘારી બનાવી હતી કે, જેમાં 1500 કિલો શુગર ફ્રી ઘારી બનાવવામાં આવી હતી કે, જ્યારે આ વર્ષે કુલ 1 લાખ કિલો ઘારી બનાવવામાં આવી છે કે, જેમાંથી 5,000 કિલો શુગર ફ્રી ઘારી બનાવામાં આવી છે. જો કે, ચંદી પડવો આવે એનાં પહેલાં જ સુમૂલની બધી શુગર ફ્રી ઘારી વેચાઈ ગઈ છે. શુગર ફ્રી ઘારીની વધુ માંગ હોવાને લીધે સુમૂલે બીજી શુગર ફ્રી ઘારી બનાવવાની તૈયારી શરૂ કરી દીધી છે.