રિયા ચક્રવર્તી અને શૌવિકને કૉર્ટે આપ્યો મોટો ઝટકો, હજુ આટલા દિવસ સુધી જેલમાં જ રહેશે ભાઈ-બહેન

ડ્રગ્સના કેસમાં સંડોવાયેલી અભિનેત્રી રિયા ચક્રવર્તી (Reha Chakraborty)  અને તેના ભાઇ શોવિકની ન્યાયિક કસ્ટડી 6 ઓક્ટોબર સુધી વધી ગઈ છે. રિયાને 8 સપ્ટેમ્બરના રોજ નાર્કોટિક્સ કંટ્રોલ બ્યુરો (એનસીબી) દ્વારા ધરપકડ કરવામાં આવી હતી, ત્યારબાદ તેને 22 સપ્ટેમ્બર સુધી ન્યાયિક કસ્ટડીમાં મોકલવામાં આવી હતી. આ દરમિયાન, રિયા અને શોવિકે બોમ્બે હાઇકોર્ટમાં જામીન અરજી કરી છે. તેની આવતીકાલે 23 સપ્ટેમ્બરે સુનાવણી થશે.

Rhea Chakraborty & Showik Chakraborty have filed bail applications in the NDPS case before the Bombay High Court. It will come up for hearing on 23rd September. Details of the applications will be shared after the hearing: Satish Maneshinde, lawyer for the siblings https://t.co/Kg2QnpKQ6U

— ANI (@ANI) September 22, 2020

દિવ્યાંગ અભિનેતા સુશાંત સિંહ રાજપૂત (Sushant Singh Rajput Death Case) માટે ડ્રગ્સની ખરીદી કરવા બદલ રિયા ચક્રવર્તી અને શોવિક ચક્રવર્તીની ધરપકડ કરવામાં આવી હતી. અગાઉ રિયા ડ્રગ્સ લેવાનો ઇનકાર કરતી હતી, પરંતુ નાર્કોટિક્સ કંટ્રોલ બ્યુરોની પૂછપરછ દરમિયાન રિયાના ભાઈ શોવિકે કબૂલ્યું હતું કે, રિયાની ગૌરવ સાથેની વાતચીત સાચી હતી અને તે સુશાંત માટે જાતે ડ્રગ્સની વ્યવસ્થા કરતો હતો, જેના રૂપિયા બહેન રિયા ચક્રવર્તી આપતી હતી.

સામે આવી રહ્યા છે દિગ્ગજ સેલેબ્સના નામ
સુશાંત કેસમાં ડ્રગ્સ એંગલની તપાસ કરી રહેલ એનસીબીએ તેની તપાસને તે સ્તરે આગળ વધારી દીધી છે કે, જ્યાં તમામ પ્રખ્યાત સેલેબ્સના નામ બહાર આવી રહ્યા છે. એનસીબીએ આ મામલામાં અત્યાર સુધીમાં કુલ 18 લોકોની ધરપકડ કરી છે અને હવે સારા અલી ખાન, દીપિકા પાદુકોણ, શ્રદ્ધા કપૂર અને રકુલ પ્રિત જેવી અભિનેત્રીઓના નામ પછી, સમગ્ર બોલિવૂડ જગતમાં ખળભળાટ મચી ગયો છે.