મંદિરે દર્શનાર્થે ગયેલા વૃદ્ધ પર તૂટી પડી પડ્યું મધમાખીનું ઝુંડ, તડપી-તડપીને મળ્યું દર્દનાક મોત

ગુજરાત(Gujarat): હાલમાં જ એક વૃદ્ધ પર મધમાખીના ઝુંડે હુમલો કરતા એક વ્યક્તિનું તડપી તડપીને કરુણ મોત થયું છે. જો વાત કરવામાં આવે તો નવસારી(Navsari)માં વીરવાડી(Virwadi) ખાતે હનુમાનજી મંદિરે(Hanumanji temple) દર્શનાર્થે પહોંચેલા કબીલપોર કેસરપાર્ક સોસાયટીમાં રહેતા વૃદ્ધ ઉપર એક સાથે અનેક મધમાખીએ હુમલો કરી દેતા તેના ડંખથી વૃદ્ધને સારવાર મળે તે પહેલા જ દર્દનાક મોત નીપજતા ચકચાર મચી જવા પામી હતી.

મળતી માહિતી અનુસાર, નવસારીથી ગ્રીડ બાજુ જતા રોડ પર આવેલ કેસરપાર્ક સોસાયટીમાં રહેતા અને હાલ કાલીયાવાડી દેસાઇવાડમાં રહેતા દીકરીને ત્યાંથી ગુણવંતભાઇ મગનલાલ નાયક રવિવારના રોજ સાંજના 5.15 વાગ્યાની આજુબાજુ વીરવાડી સ્થિત હનુમાન મંદિરે દર્શન કરવા માટે પહોંચ્યા હતા.

મહત્વનું છે કે, ત્યાં તેઓ પોતાની બાઇક મંદિરના કમ્પાઉન્ડ આગળ પાર્ક કરીને મંદિરમાં જવા માટે નીકળ્યા હતા ત્યાં અચાનક જ હજારો મધમાખીનો પુડો તેમના માથા પર તૂટી પડ્યો હતો અને તેમા રહેલી મધમાખીઓએ વૃદ્ધના માથા, નાક અને કાનમાં ધુસી ગયા હતા અને ડંખ માર્યા હતા. અચાનક જ બનેલી આ ઘટનાને કારણે વૃદ્ધ પણ હેબતાઇ ગયા હતા.