આસિત મોદીએ દયાભાભીને લઈને આપ્યા સૌથી મોટા ખુશીના સમાચાર- જાણો અહીં

તારક મહેતાના ઉલટા ચશ્મા શોની લોકપ્રિયતા પાછળનું એક મોટું કારણ શોમાં કામ કરનારા કલાકારો અને તેમનો ધમાકેદાર અભિનય છે. જ્યારે શોના પ્રિય પાત્ર એટલે કે, દયાબેન એટલે દિશા વાકાણીના પરત ફરવા અંગે છેલ્લા ઘણા સમયથી અટકળો ચાલી રહી છે.

પરંતુ સ્પષ્ટપણે કંઇ બહાર આવ્યું નથી. આ દરમિયાન દિશાએ શો છોડવાના અહેવાલોની વચ્ચે, નિર્માતાએ એમ પણ કહ્યું હતું કે દિશા જલ્દી શોમાં જોવા મળશે. હાલમાં આ બધા સમાચારોની વચ્ચે શોના નિર્માતાનું નિવેદન ફરી એકવાર ચર્ચામાં આવ્યું છે.

ખરેખર, દિશા વાકાણીના ચાહકો આતુરતાથી તેના પરત આવવાની રાહ જોઇ રહ્યા છે. આ અંગે નિર્માતા અસિત મોદીએ કહ્યું છે કે, “પ્રમાણિકતાથી કહું તો હું પણ હૃદયથી ઈચ્છું છું કે મૂળ દયાબેન એટલે કે દિશા વાકાણી શોમાં પરત આવે અને તે માટે હું અને મારી આખી ટીમ પોતાનું શ્રેષ્ઠ કાર્ય કરી રહી છે.”

અસિત મોદીએ વધુમાં કહ્યું કે, ‘દિશાને એક બાળક થયા પછી, અમે વિચાર્યું કે તે મોટું થઇ જાય અને તેમને મધરહૂડ એન્જોય કરવાનો સમય આપવો જોઇએ. અમને આ સાથે કોઈ સમસ્યા ન હતી. જોકે ફેન્સ તેની વાપસીની રાહ જોઈ રહ્યા હતા. હવે હું પણ સંમત છું કે શોમાં દયાબેનની જરૂર છે. આ કોવિડના સમયમાં અમે પણ અટવાઈ ગયા છીએ, પરંતુ તમને એક કે બે મહિનામાં સારા સમાચાર મળશે. ‘