ફિલ્મ જગત સ્તબ્ધ: મશહુર ગાયકનું હાર્ટ એટેકથી થયું નિધન- 2100થી પણ વધુ ગાયા છે ગીત

Published on Trishul News at 9:59 AM, Tue, 28 December 2021

Last modified on December 28th, 2021 at 10:00 AM

મણિકા વિનયગમ(Manikka Vinayagam) ભારતીય ફિલ્મ ઈન્ડસ્ટ્રીનું જાણીતું નામ છે પરંતુ હવે તે આ દુનિયામાં નથી. અભિનય અને ગાયકી દ્વારા પોતાની ઓળખ બનાવનાર મણિક્કા વિનયગમનું 26 ડિસેમ્બર 2021ના રોજ અવસાન થયું હતું. મીડિયા અહેવાલો અનુસાર, વિનયગામ લાંબા સમયથી સ્વાસ્થ્ય સંબંધિત સમસ્યાઓથી પીડાતા હતા અને ઘણા દિવસોથી તેમની સારવાર ચાલી રહી હતી પરંતુ ગતરોજ હાર્ટ એટેક(Heart attack)ના કારણે 78 વર્ષની વયે તેમનું અવસાન થયું હતું.

મુખ્યમંત્રીએ શોક વ્યક્ત કર્યો
વિનયાગમ (10 ડિસેમ્બર 1943 – 26 ડિસેમ્બર 2021) એક તમિલ પ્લેબેક ગાયક અને અભિનેતા હતા અને તેમણે તમામ દક્ષિણ ભારતીય ભાષાની ફિલ્મો માટે ગીતો ગાયા છે. આ સાથે તેણે અભિનેતા તરીકે ઘણી તમિલ ફીચર ફિલ્મોમાં પણ કામ કર્યું છે. લોકપ્રિય પ્લેબેક સિંગર અને એક્ટર મનિકા વિનયગમના નિધનથી કોલિવુલ એટલે કે તમિલ સિનેમામાં શોકનું વાતાવરણ છે. દિવંગત અભિનેતાના આત્માને ઘણી હસ્તીઓ શ્રદ્ધાંજલિ આપી રહી છે. તમિલનાડુના મુખ્યમંત્રી એમકે સ્ટાલિને પણ મણિક્કા વિનયગમ માટે શોક વ્યક્ત કર્યો છે.

સ્ટાલિને તમિલ ભાષામાં એક પોસ્ટ શેર કરી છે જેમાં લખ્યું છે, ‘પ્રસિદ્ધ ફિલ્મ ગાયક શ્રી. વલુવૂર મણિક્કા વિનાયગમના નિધન પર ખૂબ જ શોક! હું તેમના પ્રત્યે મારી સંવેદના વ્યક્ત કરવા માંગુ છું, જેઓ પાત્રમાં રત્નની જેમ ચમકે છે, જેમ કે નામ સૂચવે છે…” સોશિયલ મીડિયા યુઝર્સ તેમના લોકપ્રિય ગીતો અને ફિલ્મોની યાદોને શેર કરીને શ્રદ્ધાંજલિ આપી રહ્યા છે.

વિનયગમ તેમના અવાજથી હંમેશા યાદ રહેશે
મણિક્કા વિનયાગમ (વલુવુર મણિક્કા વિનયાગમ) એ વિક્રમ સ્ટારર ફિલ્મ ‘ધીલ’ ના ગીત ‘કન્નુકુલ્લા ગેલાથી’ સાથે ગાયક તરીકેની શરૂઆત કરી હતી. તેણે 800 થી વધુ ફિલ્મી ગીતો ગાયા છે. તેમણે તેમની કારકિર્દીમાં વિવિધ ભાષાઓમાં લગભગ 800 ગીતો ગાયા છે અને આ સિવાય 1500 ભક્તિ ગીતો અને લોકગીતો પણ ગાયા છે. તેઓ તેમના ચુંબકીય અવાજ અને મૈત્રીપૂર્ણ સ્વભાવ માટે હંમેશા ઘણા લોકો માટે પ્રેરણારૂપ રહ્યા છે. મણિક્કા વિનયાગમે ધનુષની ‘થિરુડા થિરુડી’, વિશાલની ‘થિમિરુ’, મસ્કિનની ‘યુથમ સેઈ’ અને વિજયની ‘વેટ્ટિકરણ’ વગેરે સહિત અનેક તમિલ ફિલ્મોમાં પણ અભિનય કર્યો હતો જેમાં તે અભિનેતા તરીકે દેખાયો હતો.

નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો. 

Be the first to comment on "ફિલ્મ જગત સ્તબ્ધ: મશહુર ગાયકનું હાર્ટ એટેકથી થયું નિધન- 2100થી પણ વધુ ગાયા છે ગીત"

Leave a comment

Your email address will not be published.


*