સુરતમાં એટલાં લોકોના મોત થઈ રહ્યાં છે કે, અધિકારીને બદલે શિક્ષકો સ્મશાનમાં કરી રહ્યાં છે મૃતદેહોની ગણતરી

કોરોનાને લીધે રાજ્યનું સુરત શહેર ‘બદસુરત’ સ્તિથીમાં મુકાઈ ગયું છે ત્યારે હાલમાં કોરોનાને લીધે શહેરમાં એવી સ્થિતિ ઉભી થઈ છે કે, સ્વજનની અંતિમક્રિયા થાય એ માટે સ્મશાનમાં પણ ભલામણ કરવી પડી રહી છે. શહેરના અશ્વનીકુમાર, જહાંગીરપુરા અને ઉમરા સ્મશાન મૃતદેહોથી ખીચોખીચ થઇ ચૂક્યા હોવાને લીધે અંતિમસંસ્કાર માટે ખુબ લાંબા સમય સુધી લાઇનમાં ઊભા ન રહેવું પડે તે માટે ટ્રસ્ટીઓ અથવા તો જાણકારો સમક્ષ ભલામણ કરાવવાનું શરૂ થયું છે.

હાલમાં સુરતની પરિસ્થિતિ ખુબ જ વિક્ટ બની રહી છે ત્યારે સુરતમાં મૃતદેહની ગણતરી માટે શિક્ષકોને જવાબદારી સોંપાઈ હોવાની જાણકરી મળી છે. શહેરમાં શિક્ષકોને સ્મશાનમાં ડ્યૂટી સોંપવામાં આવી છે. નગર પ્રાથમિક શિક્ષણ સમિતિના શિક્ષકોને શહેરના સ્મશાનગૃહમાં ફરજ પર હાજર રહેવાનો આદેશ અપાયો છે.

જેમાં રાઉન્ડ ધ ક્લોક 24 કલાક સ્મશાનમાં ડ્યૂટી સોંપવામાં આવી છે. આની સાથે જ તંત્ર પાસે કર્મચારીઓની અછત થતાં ડ્યૂટી સોંપાતા ખુબ હોબાળો થાય તેવા એંધાણ જણાઈ રહ્યા છે. શહેરમાં કોરોનાનો કહેર યથાવત રહ્યો છે ત્યારે તંત્રની કર્મચારીઓની ખોટ નજરે ચડી રહી છે.

શહેરમાં શિક્ષકોને સ્મશાન ગૃહમાં કામગીરી સોંપવામાં આવી છે. તંત્ર દ્વારા સ્મશાનમાં મૃતદેહ ગણવાની કામગીરી કર્મચારીની સાથે-સાથે શિક્ષકોને પણ સોંપવામાં આવી છે. અચાનક જ મૃત્યુ દરમાં વધારો થતાં આ નિર્ણય લેવામાં આવ્યો છે. શિક્ષકોએ શહેરના સ્મશાનોમાં 24 કલાક કામગીરી કરવાની રહેશે.