April 25, 2024
મહાન ઉદ્યોગપતિ અને ટાટા જૂથના ભૂતપૂર્વ અધ્યક્ષ રતન ટાટા સાથે કામ કરવું જોબ પ્રોફાઇલથી ઓછું નથી. ઘણા લોકોની તેમની સાથે કામ કરવાની ઇચ્છા હોય છે, પરંતુ આ ઇચ્છા ખૂબ જ ઓછા લોકોની પૂરી થાય છે. આવા લોકોમાં શાંતનુ નાયડુ શામેલ છે. 27 વર્ષીય શાંતનુ નાયડુ રતન ટાટા સાથે કામ કરી રહ્યો છે.
હાલમાં જ તેણે રતન ટાટા સાથે પોતાની એક તસવીર સોશિયલ સાઇટ પર શેર કરી હતી, જેના કારણે તે ચર્ચામાં આવ્યો હતો. ફોટોની સાથે જ શાંતનુએ લોકપ્રિય ફેસબુક પેજ ‘હ્યુમન્સ ઓફ બોમ્બે’ પર પણ એક પોસ્ટ લખી હતી, જેમાં તેણે જણાવ્યું હતું કે, તે કેવી રીતે નોકરી મેળવવામાં સફળ રહ્યો છે.
Trending News
શાંતનુએ કહ્યું કે, તેઓ રતન ટાટાને પ્રથમ વખત 2014 માં મળ્યો હતો અને જેના કારણે તેના જીવનમાં વળાંક આવ્યો. તેણે કહ્યું કે, પાંચ વર્ષ પહેલા તેણે અકસ્માતથી રસ્તા પર કોઈ રખડતા કૂતરાનું મોત જોયું હતું, ત્યારબાદ તેણે રખડતા કૂતરાને માર્ગ અકસ્માતથી બચાવવાના ઉપાયો વિચારવાનું શરૂ કર્યું હતું. તેને કૂતરા માટે કોલર બનાવવાનો વિચાર આવ્યો. એક ચમકતો કોલર જે ડ્રાઇવરો દૂરથી પણ જોઈ શકે છે.
શાંતનુ કહે છે, “મારો વિચાર ઝડપથી ફેલાયો અને તે ટાટા જૂથની કંપનીઓના અખબારોમાં પણ લખાયો હતો.” શાંતનુએ કહ્યું, ‘તે સમયે મારા પિતાએ મને રતન ટાટાને પત્ર લખવાનું કહ્યું, કારણ કે, તે પણ કૂતરાઓને ખૂબ જ પ્રેમ કરે છે. પહેલા હું ખચકાતો હતો પણ પછી મેં મારી જાતને કહ્યું, ‘કેમ નહીં?’ શાંતનુ કહે છે કે, પત્ર લખ્યાના બે મહિના પછી જૂથ તરફથી જવાબ મળ્યો, જેમાં તેમને મીટિંગમાં આમંત્રણ આપવામાં આવ્યું. શાંતનુએ હસતાં કહ્યું કે, “હું તેના પર વિશ્વાસ કરી શક્યો નહીં,”
થોડા દિવસો પછી, શાંતનુ મુંબઇની તેમની ઓફિસમાં રતન ટાટાને મળ્યો. તેણે મને કહ્યું, ‘તમે જે કામ કરો છો તેનાથી હું ખૂબ પ્રભાવિત છું!’ ત્યારબાદ રત્ના ટાટા તેમને તેમના કુતરાઓનો પરિચય આપવા ઘરે લઈ ગયા અને તેમના કામ માટે નાણાં પૂરા પાડ્યા. શાંતનુ આગળ જણાવે છે કે, તે માસ્ટર્સ પૂરૂ કરવા પાછો ગયો પરંતુ તે જ સમયે તેણે રતન ટાટાને વચન આપ્યું હતું કે, તે અભ્યાસ પૂરો કર્યા પછી પાછો આવશે અને ટાટા ટ્રસ્ટ માટે કામ કરશે.
શાંતનુ કહે છે, “હું ભારત પાછો આવ્યો કે તરત જ તેણે મને બોલાવ્યો અને કહ્યું” હું ઓફિસમાં ઘણું કામ કરું છું. તમે મારા સહાયક બનવા માંગો છો? ‘ મને કઈ પ્રતિક્રિયા આપવી તે ખબર નહોતી. તેથી મેં એક ઊંડો શ્વાસ લીધો અને થોડીવાર પછી ‘હા’ કહ્યું શાંતનુની આ પોસ્ટ જોતા જ વાયરલ થઈ ગઈ અને તેને થોડા કલાકોમાં 6000 થી વધુ લાઈક્સ મળી. આ સાથે, લોકોએ આ પોસ્ટ ઉપર ઘણી બધી કોમેન્ટ પણ કરી હતી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો.
તમે અમને વૉટસએપ, ટેલિગ્રામ, ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
