ગર્ભમાં બાળક શું કરે છે? હવે આ રીતે દરેક માતા વિડીયો દ્વારા જોઈ શકશે બાળકની હલચલ

દરેક મહિલા (Women)ની જીંદગીમાં સૌથી મોટું સુખ માતા(Mother) બનવાનું હોય છે. માતા માટે એક જીવની અંદર બીજા જીવનો ઉછેર કરવો કોઈ કરિશ્માથી ઓછું નથી, તેથી પ્રેગ્નેન્સી (Pregnancy)નાં સમયનો આનંદ લઈને તેની ખુબસુરત યાદોને કેમેરામાં કંડરાવી જોઈએ. જેથી હવે તમે તમારું બાળક(Baby) ગર્ભમાં સુતું છે કે જાગે છે તેની પણ જાણકારી મેળવી શકશો.

આ અંગે ડો. મીરા પાઠક જણાવે છે કે, પ્રેગ્નેન્સીમાં પહેલી વાર ગર્ભમાં રહેલાં બાળકની હલચલનો અહેસાસ કરવો સૌથી સુંદર પળ હોય છે. સમય જતા માતા ધીમે-ધીમે ગર્ભાશયમાં બાળકની હિલચાલને ઓળખવા લાગે છે. તમે પણ આ સુંદર યાદોનું એક મેમરી કાર્ડ જરૂર બનાવી શકો છો.

જેમ કે, 10માં અઠવાડિયાની પ્રેગ્નેન્સીમાં બાળક પોતાનું માથું હલાવી શકે છે. તેમજ પેટને હળવા હાથેથી દબાવતા બાળક વધુ હલીચલી શકે છે. આ ઉપરાંત 22માં અઠવાડિયે બાળક ગર્ભમાં પહોચતા અજવાળા તરફ વધુ મોઢું રાખે છે. તેમજ 23માં અઠવાડિયે બાળક બહારનો અવાજ પણ સાંભળી શકે છે. વધુમાં ડો. મીરા પાઠક જણાવે છે કે, જયારે તમને બાળકની હલચલની આદત પડી જાય છે ત્યારે તમે કદાચ બતાવી શકશો કે બાળક કયારે તેના અંગો ફેલાવે છે કારણકે તે સમયે બાળક લાત મારશે કે ધક્કો મારશે તેનો પણ અહેસાસ તમને થશે.