હત્યા કે આત્મહત્યા: ગામની સીમમાં ઝાડ પર લટકતી હાલતમાં મળ્યો યુવકનો મૃતદેહ- જાણો ક્યાંની છે આઘાતજનક ઘટના

તાજેતરમાં જ દેસાડ ગામમાંથી એક ખુબ જ દુઃખદ કિસ્સો સામે આવ્યો છે. જેમાં વાલિયા પોલીસ સ્ટેશનની હદમાં આવેલ દેસાડ ગામે બે દિવસ પહેલા કામલીયા ગામનો યુવાન તેના મામાના ઘરે આવ્યો હતો. આ દરમિયાન ગઈકાલે રાત્રે ચમારીયા ગામના પાટીયે પાછળ શેરડીના ખેતરના શેઢે સમડીના ઝાડની ડાળીએ લટકેલી હાલતમાં તેની લાશ મળી આવી હતી.

આ ઘટનાની જાણ વાલિયા પોલીસને થતા તાત્કાલીક ઘટના સ્થળે પહોંચી લાશ ઉતારી પોસ્ટમોર્ટમ માટે વાલિયા સીએચસીમાં લઈ જઈ પેનલ તબીબો દ્વારા પોસ્ટમોર્ટમ કરાવી અકસ્માત મોત ગુન્હો નોંધી તપાસ હાથ ધરવામાં આવી હતી. પરંતુ મૃતક યુવાનના પરીજનોનો આક્ષેપ કર્યા છે કે, આ આત્મહત્યા નથી કરી પરંતુ હત્યા થયેલ છે.

જાણવા મળ્યું છે કે, કામલીયા ગામનો રમેશ ઉર્ફે રણજીત કાલુ વસાવા વસાવા ઉ.વ.35 બે દિવસથી તેની માતા અને અંધ ભાઈ પાસે તેના મામાના ઘરે દેસાડ આવ્યો હતો. તે તેની પત્ની સાથે છેલ્લા બે મહિનાથી રહેતો ન હોવાથી સાવ એકલવાયું જીવન થઈ ગયું હતું.

ગઈકાલે ચારથી પાંચ વાગ્યાના અરસામાં તે ઘરેથી નીકળી ગયો હોવાનું સામે આવ્યું હતું. આ દરમિયાન આજે સવારે ચમારીયા, દેસાડ અને વાલિયાની સીમમાં આવેલ અખ્તર હુસેન અબ્દુલ કરીમ શેખના શેરડીના ખેતરમાં શેઢા ઉપર સમડીના ઝાડ પર રમેશ વસાવાની તેના શર્ટ વડે ગળેફાંસો ખાધેલી હાલતમાં લાશ મળી આવી હતી.