કળિયુગી દીકરીએ પિતા પર પેટ્રોલ છાંટી જીવતા સળગાવી દીધા, જાણો દર્દનાક ઘટનાની કહાની

હાલ ગુજરાત સહીત સમગ્ર ભારતમાં લોકડાઉન ચાલી રહ્યું છે, હાલના સમયમાં લોકડાઉન વચ્ચે પણ ગુના અને બળાત્કારની ઘટનાઓનું પ્રમાણ વધી રહ્યું છે. તેવી જ એક ઘટના હાલમાં બની છે, તમે અત્યારે સુધી એવી ઘટના સાંભળી હશે કે એક કળિયુગી પુત્ર પોતાના જન્મદાતા પિતાની હત્યા કરી હોય, પરંતુ તમે કદી નહીં સાંભળ્યું હોય કે એક દીકરીએ તેના પિતાની હત્યા કરી હોય. અહિયાં એક એવી જ ઘટના સામે આવી છે. મળેલી માહિતી અનુસાર છેલ્લા કેટલાંય સમયથી કામધંધો નહીં કરતા પિતાએ પુત્રીએ પેટ્રોલ છાંટી સોનગઢમાં સળગાવી દેતાં સમગ્ર વિસ્તારમાં ચકચાર મચી જવા પામી છે.

નહિ જેવી વાતમાં પિતા અને પુત્રી વચ્ચે રોજ ઝઘડા થતા હતા. તેમાં પિતા કોઈ કામધંધો નહીં કરતા હોવાથી પુત્રીએ પિત્તો ગુમાવી પિતા પર પંટ્રોલ છાંટી સળગાવી દીધા હતા. સમગ્ર ઘટનાની હકીકત એવી છે કે, સોનગઢ નગરના પીપળ ફળિયામાં રહેતા રાજેન્દ્ર મોતીલાલ જૈન (ઉંમર:60) ગઈ 19-05-2020ના રોજ બપોરના 12.15 વાગ્યાની આસપાસ પોતાના ઘરના પગથીયા પર બેઠા હતા. ત્યારે તેની પુત્રી તેજલ રાજેન્દ્ર જૈને ત્યાં આવીને પિતા સાથે કામ ધંધો કરવા બાબતે ઝઘડો કર્યો હતો.

તેજલ ભારે ગુસ્સામાં થઈને પોતાના પિતાને કહેતી હતી કે, તમે કામ ધંધો કરતા નથી. માટે ઘરે આવો નહીં, અહીંથી જતા રહો, તેમ છતા રાજેન્દ્ર જૈન ત્યાં જ બેસી રહેતા તેજલ ઘરમાં જઈને પેટ્રોલ ભરેલ બાટલો લઈ આવી હતી અને પોતાના પિતાના શરીર પર પેટ્રોલ છાંટી દીવાસળી ચાંપી સળગાવી દીધા હતા.