April 19, 2024
શુક્રવારે મુંબઇના ગોવંડી રેલ્વે સ્ટેશન પર લોકલ ટ્રેનની ટક્કરમાં એક ભિખારી નું મોત નીપજ્યું હતું. જ્યારે રેલ્વે પોલીસ સંબંધીઓની શોધમાં ભિક્ષુકના ઘરે પહોંચી ત્યારે તેમના હોશ ઉડી ગયા હતા.
હકીકતમાં, રેલ્વે પોલીસને ઝૂંપડીમાંથી બેગ અને પૈસા ભરેલી બેગ મળી આવી હતી, જેમાં સિક્કાઓ અને લગભગ બે લાખ રૂપિયાની રોકડ રકમ હતી. પોલીસને તેમની ગણતરી કરવામાં આઠ કલાક લાગ્યાં.
Trending News
એટલું જ નહીં, ભિખારીના ઘરેથી એક બેંક પાસબુક પણ મળી છે, જેમાં કુલ 8 લાખ 77 હજાર રૂપિયાની રસીદ મળી છે. ભિખારીની ઓળખ બિરાદીચંદ આઝાદ તરીકે થઈ છે. કહેવામાં આવી રહ્યું છે કે,આઝાદ મુંબઇની લોકલ ટ્રેનમાં ભીખ માંગતો હતો.
શુક્રવારે રેલ્વે લાઇન પસાર કરતી વખતે ટ્રેનની ટક્કરમાં તેનું મોત નીપજ્યું હતું. રેલ્વે પોલીસને ભિખારી આઝાદની ઝૂંપડીમાંથી આધારકાર્ડ, પાનકાર્ડ અને સિનિયર સિટીઝન કાર્ડ મળી આવ્યા છે. જેના પર રાજસ્થાનનું સરનામું લખેલું છે.
ભિખારીના પડોશીઓએ જણાવ્યું હતું કે,અગાઉ તેનો પરિવાર પણ બીરભીચંદ આઝાદ સાથે રહેતો હતો, પરંતુ બાદમાં તેનો આખો પરિવાર ત્યાંથી ચાલ્યો ગયો અને તે એકલો રહ્યો. તેણે અસ્તિત્વ માટે ભીખ માંગવા માંડી.
હાલમાં પોલીસે ભીખારીના ઘરેથી મળેલા પૈસા કબજે કર્યા છે અને આધારકાર્ડ પર આપેલા સરનામે તેના પરિવારના સભ્યોને શોધવા જીઆરપી આગળ વધ્યા છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો.
તમે અમને Whatsapp, Facebook, Twitter, Instagramઅને YouTube પર પણ લાઇક અને ફોલો કરી શકો છો
