STના ડ્રાઇવરે લોખંડના પાઇપથી કારચાલકના પરિવાર પર કર્યો હુમલો, પત્નીને હાથમાં અને પુત્રને પગમાં ફ્રેક્ચર

ગુજરાતના રાજકોટના કુવાડવા રોડ પર બેટી પુલ નજીક STના ડ્રાઇવરને ઓવરટેક મુદ્દે કારચાલક સાથે માથાકૂટ થઇ હતી. ST બસ ડ્રાઈવરની દાદાગીરી સામે આવી છે. અવારનવાર એસટી ડ્રાઈવરોની લાપરવાહી સામે આવે છે. બાદમાં STના ડ્રાઇવર પ્રવીણ ભૂવાએ લોખંડની પાઇપ કાઢી કારચાલકના પરિવાર પર હુમલો કરી દીધો હતો. આ બનાવમાં કારચાલકની પત્ની વચ્ચે પડતા તેના હાથમાં પાઇપ મારી દેતા હાથમાં ફ્રેક્ચર આવ્યું છે.

અમદાવાદ-જૂનાગઢ રૂટની જીજે 18 ઝેડ 5529 નંબરની બસ હતી. ઇજાગ્રસ્ત કારચાલકની પત્નીને સારવાર માટે ખાનગી હોસ્પિટલમાં ખસેડવામાં આવી હતી. બાદમાં કારચાલકે કુવાડવા પોલીસ સ્ટેશનમાં ડ્રાઇવર વિરૂદ્ધ ફરિયાદ નોંધાવી હતી. રાજકોટ-અમદાવાદ હાઇવે પરનો વીડિયો વાયરલ થયો છે. અમદાવાદ-પોરબંદર રૂટની બસના ડ્રાઇવરનો વીડિયો સામે આવ્યો છે. રાજકોટમાં ST બસ ડ્રાઇવરની દાદાગીરીનો વીડિયો વાયરલ થયો છે. રાજકોટ-અમદાવાદ હાઇવે પરનો વીડિયો વાયરલ થયો છે.