મધરાત્રે પરિવારના લોકો સુતા રહ્યા અને લગ્નના પંદર જ દિવસમાં લુંટેરી દુલ્હન દાગીના અને પૈસા લઈને થઇ રફફુચક્કર

રાજસ્થાન: લગ્ન પ્રસંગના એવા ઘણા બનાવો બનતા હોય છે જે આપણને નવાઈ લગાડતા હોય છે. આ દરમિયાન, એક એવો જ લૂંટેરી દુલ્હનનો કિસ્સો સામે આવ્યો છે જેમાં લગ્નના પંદર જ દિવસો બાદ દુલ્હન(bride) ઘરમાંથી દાગીના અને પૈસા લઈને ફરાર થઇ ગઈ છે. જાણવા મળ્યું છે કે, આ બનાવ રાજસ્થાન(Rajasthan)ના ઝુંઝુનુ(Jhunjhunu)નો છે.

મળતી માહિતી મુજબ, અહીંયા એક પરિવારે તેમના દીકરાને લગ્ન કરાવવા માટે એક વચોટિયાનો સંપર્ક કર્યો હતો. ત્યારબાદ આ લગ્ન થયા હતા. લગ્ન થઇ ગયા પછીના પંદર જ દિવસોમાં આ કન્યા ઘરમાંથી દાગીના અને પૈસા લઈને રફફુચક્કર થઇ ગઈ હતી. પરિવાર દ્વારા પોલીસને આ બધી જ વાતની જાણ કરવામાં આવી હતી અને તેના પરથી પોલીસ દ્વારા પણ આગળની તપાસ ચાલુ કરવામાં આવી હતી.

આ બનાવ રાજસ્થાનનો છે અને અહીંયા એક વચોટિયા જેમનું નામ સતીશ મેઘવાલ છે તેમણે એક છોકરી વિશે કહ્યું હતું અને તે તેને ઓળખતો હતો. તેથી જ વરરાજાની માતા અને એક મહિલા સાથે વાતચીત કરીને પંજાબ ગયા હતા અને ત્યાં બીજી સપ્ટેમ્બરે લગ્ન પણ કરી લીધા હતા. થોડા દિવસો સુધી બધું જ બરાબર રીતે ચાલી રહ્યું હતું.

આ દરમિયાન, અચાનક ૧૬ સપ્ટેમ્બરની રાત્રે બધા લોકો રાત્રે સુઈ ગયા ત્યારે રોકડા પૈસા અને દાગીના લઈને ત્યાંથી ફરાર થઇ ગઈ હતી. ત્યારબાદ સવારે જ પરિવારને ખબર પડી હતી કે તેમના ઘરે જે નવી પરણીને આવી હતી તે લૂંટેરી દુલ્હન હતી.