જુઓ કેવી રીતે રૂપાણીએ હાઇકોર્ટની ઝાટકણી પછી કર્યો સરકારનો બચાવ- એવીએવી વાતો કહી દીધી કે…

ગઈ કાલે જ કોરોનાની ગંભીર સ્થિતિને જોતા ગુજરાતની હેલ્થ મશીનરી નિષ્ફળ રહી હોવાના અહેવાલોની ગંભીર નોંધ લેતાં ગુજરાત હાઈકોર્ટમાં સુનાવણી થઇ હતી. હાઇકોર્ટ ની ઝાટકણી બાદ રૂપાણી સરકારે પોતાનો બચાવ કરતા મોટી મોટી વાતો કરી હતી.

રૂપાણી સરકારે જણાવ્યું હતું કે, સરકારે તિજોરી ખોલી ખર્ચો કરી ને ગુજરાત ની જનતાની જાન ની પરવાહ કરી છે, દિવસ રાત જોયા વિના સરકાર કામ કરી રહી છે, રોજ 6000 ની આસપાસ નવા કેસ આવી રહ્યા છે સમગ્ર દેશમાં કેસો વધી રહ્યા છે, રાજ્ય સરકારે 10 દિવસમાં 1.25 ઇન્જેક્શન હોસ્પિટલોમાં આપ્યા છે અને અન્ય રાજ્યો પણ આપણી પાસેથી ઇન્જેક્શનનો મંગાવી રહ્યા છે. છેલ્લા 15 દિવસમાં 15 હજાર થી વધુ બેડ ઉભા કર્યા છે.

હાલ રૂપાણી સરકારે ટેસ્ટની વાત કરતા જણાવ્યું હતું કે, અમદાવાદમાં દરરોજના 30,000 ટેસ્ટ થાય છે, સાથે-સાથે જ અમદાવાદમાં 150 ધન્વંતરી રથો ચાલી રહ્યા છે. ધન્વંતરી રથ સાથે જ 1500 જેટલા સંજીવની રથ ફરી રહ્યા છે. લોકોના પ્રશન સાંભળવા માટે સરકાર દરરોજના 104 ઉપર રોજ ના 20,000 ફોન રિસીવ કરી રહી છે.

સુરત શહેરની વાત કરતા રૂપાણી બોલ્યા હતા કે, સુરતમાં છેલ્લા 15 દિવસમાં 15000 બેડ વધાર્યા છે અને 200 ધનવતરી રથ સુરતમાં ચાલુ છે અને 150 સંજીવની રથ ફરી રહ્યા છે. સાથે-સાથે રાજકોટ શહેરમાં 10 દિવસમાં 2400 બેડ વધારવામાં આવશે. RTPCR ટેસ્ટની વાત કરતા રૂપાણીએ જણાવ્યું હતું કે, 24 કલાકમાં RTPCR ટેસ્ટનો રીપોર્ટ આવી જશે.