થપ્પડ મારવાથી વધે છે ચેહરાની સુંદરતા, જાણો આ થેરાપી વિશે

અનિયમિત લાઈફસ્ટાઈલની સૌથી વધારે અને ઝડપથી અસર ત્વચા પર થાય છે. ઘણીવાર યુવતીઓને ફરિયાદ હોય છે તે તેમનો રંગ ગોરો છે પરંતુ ત્વચા નિસ્તેજ છે. ત્વચા પર ગ્લો લાવવા માટે યુવતીઓ પાર્લરમાં જઈ ફેશિયલથી લઈ ક્લિનઅપ સુધીની ટ્રીટમેન્ટ કરાવે છે. પરંતુ તેનાથી સુંદરતા પર અસર થતો નથી. પરંતુ શું તમે જાણો છો કે સ્લેપિંગ થેરાપી (Therapy) એટલે થપ્પડથી ચહેરાની સુંદરતા વધે છે ? આ વાત વિચિત્ર જણાશે પરંતુ તે સાચી છે. આ વાત નિષ્ણાંતોએ પણ સ્વીકારી છે.

સ્નાયુઓના આરામ માટે આ થેરાપી ઉપયોગી

અમેરિકાના કેલિફોર્નિયામાં કેટલાક થાઈ મસાજ થેરાપિસ્ટએ આ વાત વિશે ખુલાસો કર્યો છે. તેમનું કહેવું છે કે શરીરમાં ઊર્જા રેખા હોય છે. આ રેખાઓ ચહેરા પર પણ હોય છે. તેવામાં થપ્પડ મારવાથી સ્નાયૂને આરામ મળે છે અને આ રેખાઓ ખુલી જાય છે. ફેશિયલ એરિયા પર થપ્પડ મારવાથી ચહેરાનો ગ્લો વધે છે અને એનર્જી લેવલ બમણું થઈ જાય છે. આ ટેકનીકનો ઉપયોગ ક્રીમ કે લોશન લગાડતી વખતે કરી શકાય છે. આ સમયે ચહેરાને હળવા હાથે થપથપાવવો અને ઉપરથી નીચે તરફ ક્રીમ લગાવવી. કહેવાય છે કે જેમની ત્વચાનો રંગ શ્યામ હોય છે તેમની ત્વચામાં જે છિદ્રો અને કરચલીયો હોય છે તેને દૂર કરવા તેમજ રક્તસંચાર વધારવા આ થેરાપી કામ લાગે છે.