એક ખતરનાક સાપના કારણે અમદાવાદ-ઇન્દોરનો હાઈવે થયો જામ- જુઓ વિડીયો

મધ્યપ્રદેશ: ધારમાં એક કોબ્રા સાપે ઇન્દોર-અમદાવાદ હાઇવેનો ટ્રાફિક અડધો કલાક સુધી જામ કર્યો હતો. તે હાઈવે પર ફન ફેલાવીને બેસી ગયો હતો. બંને બાજુ વાહનો ઉભા રહી ગયા હતા. કેટલાક લોકોએ સાપને લાકડીઓ વડે કા ઢવાનો પ્રયાસ કર્યો, પરંતુ તેને સફળતા મળી ન હતી. થોડા સમય પછી આ હિંમતવાન યુવકે તેને પકડી લીધો અને તેને રસ્તાની બાજુની ઝાડીમાં છોડી દીધો હતો. કેટલાક લોકોએ આ સમગ્ર મામલાનો વીડિયો બનાવ્યો હતો.

વીડિયો ગુરુવારે સાંજે ધાર સ્થિત ઈન્દોર-અમદાવાદ નેશનલ હાઈવેનો છે. માંગરોળ ફાટે સ્થિત બસ સ્ટેન્ડ પાસે હાઇવે પર અચાનક કોબ્રા આવી ગયો હતો. રસ્તા પર કોબ્રા જોઇને વાહનોની ગતિ ધીમી પડી ગઈ હતી. ડ્રાઇવરોએ સાપને જતા રહેવાની રાહમાં કાર રસ્તા પર જ પાર્ક કરી હતી.

બીજી બાજુ, લગભગ અડધા કલાક સુધી સાપ એક જગ્યાએ ફન ફેલાવીને બેસી ગયો હતો. વીડિયોમાં જોઈ શકાય છે કે, કેટલાક લોકો લાકડીઓ લઈને રસ્તા પર પહોંચ્યા હતા. તેણે સાપને ડરાવીને હાઇવેથી દૂર કરવાનો પ્રયાસ કર્યો પરંતુ સાપ ત્યાંથી ખસ્યો નહીં. તે જ સમયે, સ્થળ પર હાજર કેટલાક લોકો સાપને ન મારવા અપીલ કરી રહ્યા છે.