April 25, 2024
પ્રખ્યાત ખેલાડીઓની વસ્તુઓની હરાજી નવી નથી, પરંતુ શું કોઈ ખેલાડીના આંસુ એટલા મહત્વના હોઈ શકે છે કે તેની કિંમત કરોડોમાં હોઈ શકે. વાસ્તવમાં આ આર્જેન્ટિનાના ફૂટબોલ સ્ટાર લિયોનેલ મેસ્સીના વિદાય સમયના આંસુ છે, કદાચ એટલા માટે જ તેના આંસુ ખૂબ કિંમતી છે.
લિયોનેલ મેસ્સીએ તાજેતરમાં સ્પેનની પ્રખ્યાત ફૂટબોલ ક્લબ બાર્સેલોના (FC Barcelona) ને વિદાય આપી હતી. તે નાનપણથી જ આ બાર્સેલોના સાથે સંકળાયેલો હતો, પરંતુ ક્લબની આર્થિક મુશ્કેલીઓ બાદ તેને પોતાની જૂની ટીમને અલવિદા કહેવી પડી અને તે ફરીથી પેરિસ સેન્ટ જર્મન (PSG) ટીમમાં જોડાયો.
લિયોનલ મેસ્સી 13 વર્ષની ઉંમરે બાર્સેલોનામાં જોડાયો. આ ક્લબે તેની કારકિર્દીને ઉચાઈઓ પર લઈ જવામાં ખૂબ મહત્વની ભૂમિકા ભજવી છે. તેથી જ્યારે તેણે 2 દાયકાની લાંબી મુસાફરી બાદ બાર્સેલોનાને વિદાય આપી ત્યારે તે ભાવુક થઈ ગયો અને સ્ટેજ પર રડી પડ્યો. પછી સામે બેઠેલા તેની પત્ની એન્ટોનેલા મેસ્સીએ એક ટીશ્યુ પેપર કા્યું જેથી મેસી તેના આંસુ લૂછી શકે.
એક જુસ્સાદાર ફૂટબોલ ચાહકને ટીશ્યુ પેપર મળ્યું જેમાંથી લિયોનેલ મેસ્સીએ તેના આંસુ લૂછ્યા. ચાહકે ટીશ્યુ પેપરને હરાજી માટે ઉપલબ્ધ કરાવ્યા છે, જેની કિંમત 1 મિલિયન યુએસ ડોલર એટલે કે લગભગ સાડા સાત કરોડ રાખવામાં આવી છે. હવે જોવાનું એ રહેશે કે તેને આટલી ઉંચી કિંમતે કોણ ખરીદશે.
Trending News
ગયા વર્ષે લિયોનેલ મેસ્સીએ બાર્સેલોના છોડવાની જાહેરાત કરી હતી. આ પછી તેની ક્લબે તેને રોકવા માટે તેની સાથે વાતચીત શરૂ કરી. પરંતુ આ વર્ષે, જ્યારે મેસ્સીએ તેની ફીમાં 50 ટકા કાપ સાથે ક્લબમાં રહેવા માટે સંમતિ દર્શાવી હતી, ત્યારે દેવામાં ડૂબેલા બાર્સેલોનાએ તેમના હાથ ખેંચી લીધા અને કહ્યું કે તેઓ મેસીને 50 ટકા ઓછું ચૂકવવાની સ્થિતિમાં નથી.
આ પછી લિયોનેલ મેસ્સીએ એક પ્રેસ કોન્ફરન્સમાં જાહેરાત કરી કે તે બાર્સિલોના છોડી રહ્યો છે. પરંતુ મેસી માટે આ નિર્ણય સરળ નહોતો. જ્યારે તેણે આની જાહેરાત કરી, ત્યારે તેનું ગળું ભરાઈ ગયું અને તે રડ્યો અને તે ક્લબને અંતિમ વિદાય આપી. જેના માટે તે 13 વર્ષની ઉંમરથી રમી રહ્યો હતો.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
