લાઇસન્સમાં થયાં આ ફેરફાર, જૂના લાઇસન્સમાં પણ ફરજિયાત પણે કરાવવું પડશે આ કામ

જ્યારથી આ નવો મોટર વ્હીકલ એક્ટ 2019 આવ્યો છે, ત્યારથી જનતા ખુબ જ પરેશાન છે, કારણ કે તેમા થોડા થોડા દિવસે ફેરફારો આવતા રહે છે, અને ખાસ તો લોકો નિયમોના ભારે દંડ બાબતે ખુબ વધુ પરેશાન છે. આ નવા એક્ટ આવથી લોકો જાગ્રત થયા છે. પહેલા જે વગર લાઇસન્સે ગાડીઓ ચલાવતા હતા અને અકસ્માતો થતા હતા હવે તેનું પ્રમાણ ખુબ જ ઘટી જવાનું છે. અને પહેલા કોઈ લોકો હેલ્મેટને મહત્વ નોતા આપતા પરંતુ હવે તે પણ કડક રીતે તેનું પાલન કરવામાં આવશે.

હવે તેમા લોકોને રાહત મળે તેવો નિયમ આવ્યો, નવો મોટર વ્હીકલ એક્ટ 2019 લાગૂ થયા બાદ આજ થી એટલે કે 1 ઓક્ટોબરથી ડ્રાઇવિંગ લાઇસન્સ બનાવવાના નિયમ અને ગાડીનું રજિસ્ટ્રેશન સર્ટિફિકેટ(RC) પણ બદલાઇ ગયા છે.

તમને જણાવી દઇએ કે 1 ઓક્ટોબરથી ડી.એલ. અને આર.સી.ના ફોર્મેટમાં ફેરફાર કરવામાં આવ્યો છે. નવા ફેરફાર હેઠળ આખા દેશમાં બધા વાહન ચાલકોના ડી.એલ. ગાડીની આર.સી.નું ફોર્મેટ એક જ હશે. એટલે કે ડી.એલ. અને આર.સી.નો રંગ, લુક, ડિઝાઇન અને સિક્યોરિટી ફીચર્સ એક સરખા હશે. નવા ડી.એલ.માં હશે આ ફીચર્સ
આજથી લાગૂ થનાર નવા નિયમ હેઠળ સ્માર્ટ ડી.એલ. અને આર.સીમાં માઇક્રોચિપ અને ક્યૂઆર કોડ હશે. તેનાથી દેશના દરેક રાજ્યમાં ડી.એલ., આર.સી.નો રંગ અને પ્રિન્ટિંગ એક જેવા હશે. હવે બધા ડી.એલ. અને આર.સી.માં જાણકારીઓ એક જ જગ્યાએ હશે. અત્યાર સુધી રાજ્ય અનુસાર ડી.એલ. અને આર.સી.નું ફોર્મેટ અલગ-અલગ હોય છે, પરંતુ હવે એવું નહી હોય. ક્યૂઆર કોડ અને ચિપમાં બધા જ રેકોર્ડ હશે.