આ એપ્લિકેશન ઇન્ટરનેટ બંધ હોય તો પણ થાય છે ચેટિંગ, ઈન્ટરનેટ બંધ હોય ત્યારે ઉપયોગી

નાગરિક્તા સંશોધન કાયદા વિરૂદ્ધ સમગ્ર દેશમાં વિરોધ પ્રદર્શન અટકાવવા માટે દેશના અનેક વિસ્તારોમાં ઈન્ટરનેટ સેવાઓ સ્થગીત કરવા છત્તાં કોઈ વધારે ફરક જોવા નથી મળતો. માનવામાં આવે છે કે, પ્રદર્શનકારીઓ સંદેશાની આપ-લે માટે ફાયરચેટ (FireChat) નામની એપ્લિકેશનો ઉપયોગ કરી રહ્યા છે. આ એપ્લિકેશન ઈન્ટરનેટ વિના પણ ચાલી શકે છે. કદાચ આજ કારણે આ એપ્લિકેશન સરકાર માટે માથાનો દુ:ખાવો બની ગઈ છે, કારણ કે વિરોધ પ્રદર્શન અટકવાનું નામ નથી લઈ રહ્યાં.

ઈન્ટરનેટ વિના ફાયર ચેટ મોબાઈલ એપ્લિકેશન દ્વારા સરળતાથી કરવામાં મેસેજની આશંકા ત્યારે પ્રબળ બની, જ્યારે તાજેતરમાં શરૂ થયેલા વિરોધ પ્રદર્શન વચ્ચે ગૂગલ પ્લે સ્ટોર પર આ એપ્લિકેશન ટ્રેન્ડિંગમાં રહી. ગૂગલ પ્લે સ્ટોરથી અત્યાર સુધીમાં 10 લાખ લોકો દ્વારા Fire Chat એપ્લિકેશન ડાઉનલોડ કરવામાં આવી છે. આ એપ્લિકેશન ઈન્ટરનેટ વિના પણ કામ કરી શકે છે. આ એપ બ્લૂટૂથ અને વાઈફાઈ મારફતે કામ કરે છે.

ગુરૂવારે હિંસક પ્રદર્શન દરમિયાન દિલ્હી, ઉત્તર પ્રદેશના મોટાભાગના વિસ્તારોમાં ઈન્ટરનેટ સેવાઓ સ્થગીત કરવામાં આવી હોવા છત્તા અનેક ઠેકાણે ટોળાને એકઠા થતા રોકવામાં નિષ્ફળતા સાંપડી હતી. ફાયર ચેટ વિના મોબાઈલ ફોન નેટવર્કથી પોતાની આસપાસના ફાયરચેટ યુઝર્સ સાથે વાતચીત કરી શકે છે.