આ એક વસ્તુ ખાવાથી સૌથી વધુ ખરે છે વાળ, જાણો અને અત્યારથી જ કરો બંધ!

ઘણા સમયથી વાળ ખરવાની(Hair loss) સમસ્યા દરેકને સતાવે છે. આમ તો વાળ ખરવા એ એક સામાન્ય સમસ્યા છે જે દરેક ઉંમરના લોકોને હોય જ છે. સ્ત્રીઓ અને પુરુષો બંનેમાં વાળ ખરવાની સમસ્યા જુદી જુદી રીતે જોવા મળે છે. વાળ ખરવાની સૌથી સામાન્ય સ્થિતિ એ એન્ડ્રોજેનેટિક એલોપેસીયા(Androgenetic alopecia) છે જેમાં સ્ત્રી અને પુરૂષ બંનેમાં વાળ એક પેટર્નમાં પડે છે. તે સામાન્ય રીતે 50 વર્ષથી વધુ ઉંમરના પુરૂષો અને 65 વર્ષથી વધુ ઉંમરની સ્ત્રીઓમાં જોવા મળે છે.

આ સમસ્યાને અટકાવવા શું કરવું જોઈએ તે જાણીએ. નિષ્ણાતોના મતે, આની પાછળ માત્ર ઉંમર જ નથી, પરંતુ એક ખાદ્ય પદાર્થ પણ વાળને અસર કરે છે. વધુ પડતા સોડિયમ વાળને પાતળા અને નબળા બનાવી શકે છે, જેના કારણે વાળ એક પેટર્નમાં ખરવા લાગે છે. પરંતુ, ખૂબ ઓછું સોડિયમ પણ વાળના વિકાસમાં સમસ્યા ઊભી કરી શકે છે. ખૂબ ઓછું મીઠું ખાવાથી શરીરમાં આયોડીનની ઉણપ થાય છે, જે સારા થાઈરોઈડ કાર્ય માટે જરૂરી છે. જો તમે આ સમસ્યાથી બચવા માંગતા હોવ તો આહારમાં મીઠાની માત્રા પર વિશેષ ધ્યાન આપો.

UKના ફેમસ ટ્રાઇકોલોજિસ્ટ કેવિન મૂરે કહે છે કે ફૂડમાં વધુ પડતું મીઠું ચોક્કસપણે તમારા વાળના સ્વાસ્થ્યને ઘણું નુકસાન પહોંચાડે છે અને આ વાળ ખરવાનું કારણ છે. British GQ સાથેના એક ઈન્ટરવ્યુમાં, તેમણે કહ્યું, ‘વધુ મીઠું ખાવાથી વાળના ફોલિકલ્સની આસપાસ સોડિયમ જમા થાય છે, જે વાળના ફોલિકલના રક્ત પરિભ્રમણને અસર કરે છે. જેના કારણે જરૂરી પોષક તત્વો વાળના ફોલિકલ્સ સુધી પહોંચતા નથી. તેણે કહ્યું, ‘જો થાઈરોઈડ અસંતુલિત હશે તો તમારા વાળ પર પણ અસર થશે. તેનાથી વાળ નિર્જીવ અને પાતળા બને છે.

નિષ્ણાતોના જણાવ્યા અનુસાર વાળની ​​મજબૂતાઈ તમારા આહારમાં રહેલા વિટામિન્સ અને મિનરલ્સ પર નિર્ભર કરે છે. આયર્ન અને વિટામિન B5 વાળને ખરતા અટકાવે છે અને માથાની ચામડીને સ્વસ્થ રાખે છે જ્યારે પ્રોટીન વાળની ​​મજબૂતાઈ અને ચમકવા માટે જરૂરી છે. આ સિવાય પર્યાવરણીય સમસ્યાઓના કારણે પણ વાળની ​​ગુણવત્તા બગડે છે, જે સામાન્ય બાબત છે. તે કેટલાક લોકોમાં આનુવંશિક પણ છે.