આ છે ભારતની ગોલ્ડન નદી, જ્યાં પાણી સાથે વહે છે સોનું- સ્થાનિકો સોનું વેચી થયા કરોડપતિ

સ્વર્ણરેખા નદી(Swarnarekha River): ભારત (India)માં નાની-મોટી સેંકડો નદીઓ છે, જે લોકોની આજીવિકાનું સાધન છે. પરંતુ, શું તમે જાણો છો કે ભારતમાં એક એવી નદી છે જ્યાંથી સોનું નીકળે છે. નદીની નજીક રહેતા લોકો સોનું કાઢે છે અને તેને વેચીને પૈસા કમાય છે. જો કે નદીમાં સોનું(Gold) ક્યાંથી આવે છે તેની કોઈ માહિતી નથી અને ઘણા વૈજ્ઞાનિકો (scientists)એ સંશોધન પણ કર્યું છે, પરંતુ સોનું ક્યાંથી આવે છે તે હજુ પણ એક રહસ્ય છે.

આ નદી ઝારખંડમાં વહે છે:
આ સોનાની નદી ઝારખંડ રાજ્યમાં વહે છે અને તેનું નામ સ્વર્ણરેખા નદી છે. સોનું મેળવવાના કારણે આ નદીને સ્વર્ણરેખા નદી કહેવામાં આવે છે અને તે ઝારખંડ સિવાય પશ્ચિમ બંગાળ અને ઓડિશામાં વહે છે. આ નદીની શરૂઆત ઝારખંડની રાજધાની રાંચીથી 16 કિલોમીટર દૂર છે અને સીધી બંગાળની ખાડીમાં પડે છે.

લોકો સવારથી સાંજ સુધી સોનું કાઢે છે:
ઝારખંડમાં સ્વર્ણરેખા નદી જે વિસ્તારમાંથી પસાર થાય છે, ત્યાં સવારથી જ લોકો પહોંચી જાય છે અને રેતી ઉપાડીને સોનું એકત્ર કરે છે. આમાં લોકો ઘણી પેઢીઓથી સોનું કાઢીને પૈસા કમાય છે. એટલું જ નહીં, સ્ત્રી-પુરુષો ઉપરાંત બાળકો પણ નદીમાંથી સોનું કાઢવામાં લાગેલા છે.

નદીમાં સોનું ક્યાંથી આવે છે:
સ્વર્ણરેખા નદીમાં સોનું ક્યાંથી આવે છે, તે હજુ સુધી એક રહસ્ય છે. જો કે, કેટલાક ભૂસ્તરશાસ્ત્રીઓ કહે છે કે સુવર્ણરેખા નદી ખડકોમાંથી આવે છે અને તેથી જ તેમાં સોનાના કણો જોવા મળે છે. જો કે હજુ સુધી સોનું ક્યાંથી આવે છે તે અંગે કોઈ નક્કર માહિતી નથી.