ધુમ્મસના કારણે સર્જાયો ભયંકર અક્સ્માત- ટ્રક અને કેન્ટરની અથડામણમાં ત્રણ લોકોના દર્દનાક મોત 

ગંગાનગર (Ganganagar, Rajasthan) માં ટ્રક અને કેન્ટર વચ્ચે અથડામણમાં ત્રણ લોકોના મોત થયા છે. મૃતકોમાં બંને વાહનોના ડ્રાઈવર અને ટ્રકના ક્લીનરનો સમાવેશ થાય છે. ધુમ્મસના કારણે સુરતગઢના નેશનલ હાઈવે-62 (National Highway-62) પર આવેલા પાલીવાલા (Paliwala) ગામમાં ગુરુવારે સવારે અકસ્માત સર્જાયો હતો. અકસ્માત બાદ સવારે 8 થી 8:30 સુધી જામ રહ્યો હતો. પોલીસે ભારે જહેમત બાદ ટ્રાફિક જામ ખુલ્લો કરાવ્યો હતો.

અથડામણ એટલી ગંભીર હતી કે બંને વાહનોના આગળના ભાગનો ભૂક્કો થઈ ગયો હતો. બંને વાહનોના ડ્રાઈવર અને ટ્રકનો ક્લીનર કેબિનમાં ફસાઈ ગયા હતા. પોલીસે લોકોની મદદથી ભારે જહેમત બાદ મૃતદેહોને બહાર કાઢ્યા હતા. કેબિન કાપીને કેન્ટર ચાલકની લાશને બહાર કાઢવામાં આવી હતી.

ટ્રકમાં ચોખા અને કેન્ટરમાં ટાયર હતા
પંજાબથી ચોખા ભરેલી ટ્રક સવારે શ્રીગંગાનગરથી સુરતગઢ જઈ રહી હતી. પાલીવાલા પાસે શ્રીગંગાનગર તરફ આવી રહેલા ટાયર ભરેલા કેન્ટર સાથે તેની ટક્કર થઈ હતી. અથડામણને કારણે જોરદાર વિસ્ફોટ થયો હતો. આસપાસના ખેતરોમાં કામ કરતા લોકો ઘટનાસ્થળે દોડી આવ્યા હતા.