ફક્ત 10 દિવસમાં કચ્છના માંડવીમાં રહેતાં એક જ પરિવારના ત્રણ સભ્યોના થયા કરુણ મોત -જાણો શું છે કારણ ?

ઘણીવાર કુદરતે કોઇ પરિવાર સાથે ખુબ અન્યાય કર્યો હોય એવી કેટલીક ઘટનાઓ સામે આવતી હોય છે. આવી જ એક ઘટના કચ્છમાં આવેલ માંડવીમાંથી સામે આવી રહી છે. માંડવીના ખારવા સમાજના એક પરિવારમાં એક દુ:ખદ ઘટના બનતા સમગ્ર સમાજમાં ગમગીની છવાઇ ગઈ હતી.

માત્ર 10 દિવસની અંદર સૌપ્રથમ પિતા તેમજ ત્યારપછી પત્ની-પુત્રના મોત થતાં શોકનો માહોલ ફરી વળ્યો હતો. 28 ડિસેમ્બરે 68 વર્ષીય શશીકાંતભાઇ દેવીશીભાઇ વાસ્તાનું નિધન થયું હતું. જેનો આઘાત 62 વર્ષીય પત્ની શાંતાબેન શશીકાંત વાસ્તા જીરવી ન શકતા 5 દિવસ પછી 2 જાન્યુઆરીએ તેમને હાર્ટ એટેક આવતા અંતિમ શ્વાસ લીધા હતા.

પરમાત્મા આટલાથી ન અટકી જતા પરિવાર પર આભ ફાટ્યુ હોય પુત્રનું પણ મોત નિપજ્યું હતું. પિતા તથા માતાના અવસાનની ઘટના સહન ન થતા 44 વર્ષીય પુત્ર અજય શશીકાંત પાસ્તા 6 જાન્યુઆરીએ હાર્ટ એટેકને કારણે નિધન થતા સમગ્ર સમાજમાં શોકનું મોજુ ફરી વળ્યુ હતુ.

ફક્ત 10 દિવસના ટૂંકા સમયગાળામાં એક જ પરિવારના 3 લોકોના મોત નિપજ્યા હતા. શહેરની લક્ષ્મી ટોકીઝ નજીક 4 દાયકાથી સોડા શરબતનો વ્યવસાય કરતા શશીકાંત વાસ્તા લોકોમાં પ્રખ્યાત વ્યક્તિ હતા. જેને કારણે સમગ્ર સમાજમાં માહોલ ફરી વળ્યો છે.