કોરોના સામેની લડાઈમાં TikTok એ પણ દાન કરી મોટી રકમ, ટ્વીટ કરીને આપી જાણકારી

કોરોનાવાયરસ સામેની લડાઈમાં પ્રધાનમંત્રી નરેન્દ્ર મોદીની અપીલ થી દેશના દરેક ક્ષેત્રના નામી અનામી લોકોએ દિલ ખોલીને દાન કર્યું છે. બોલિવૂડમાં અક્ષય કુમાર, સલમાન ખાન, અમિતાભ બચ્ચન જેવા મોટા કલાકારોએ દાન આપ્યું છે. જ્યારે ઉદ્યોગ જગતમાં રતન ટાટા, આનંદ મહિન્દ્રા, અઝીમ પ્રેમજી અને મુકેશ અંબાણીએ પણ પોતાની તિજોરી ખુલ્લી મુકી દીધી છે. દાન આપવામાં રમતવીરો પણ પાછા પડ્યા નથી. સચિન, કોહલી અને રોહિત શર્મા જેવા મોટા ખેલાડીઓએ ખૂબ દાન આપ્યું છે. કોરોનાવાયરસ સામેની લડાઈમાં હવે tiktok India પણ મેદાને આવ્યું છે. એટલું જ નહીં પરંતુ tiktok એ ખુબજ મોટી રકમ દાન કરી છે. tiktok ઇન્ડિયાએ આ વાતની જાણકારી ટ્વીટ કરીને આપી છે.

In the fight against the spread of COVID-19, we are extending support by donating Rs. 100 Crore towards 400,000 hazmat medical protective suits and 200,000 masks to doctors and supporting medical staff. #TikTokForGoodhttps://t.co/H8WeeFl3ei pic.twitter.com/3P7xnPdqXq

— TikTok India (@TikTok_IN) April 1, 2020

ટિક્ટોક ઇન્ડિયાએ ટ્વીટ કરીને જણાવ્યું કે : કોરોનાવાયરસ ના વધતા જતા ખતરાને રોકવાની લડાઇમાં અમે 100 કરોડ રૂપિયાના 4 લાખ મેડિકલ પ્રોટેક્ટિવ શુટ અને ડોક્ટરો, મેડિકલ સ્ટાફ માટે 2 લાખ માસ્ક ડોનેટ કરી રહ્યા છીએ.

જણાવી દઈએ કે દેશમાં કોરોનાવાયરસ ના કેસ વધીને આજે 1965 થઈ ગયા છે અને અત્યાર સુધીમાં ૫૦ લોકો આ વાયરસના કારણે પોતાનો જીવ ગુમાવી ચૂક્યા છે. સૌથી વધુ કેસ મહારાષ્ટ્રમાં(335), ત્યારબાદ કેરળ(265) અને તમિલનાડુ(234) માં છે.