સુરત: “મારી ઉપર પણ છોકરા મરે છે” આવું સાબિત કરવા યુવતીએ પોલીસ સ્ટેસનમાં કરી છેડતીની ફરિયાદ, પછી જે થયું…

સુરતમાં ગુરુવારના રોજ રાંદેર પોલીસ સ્ટેશનમાં 13 વર્ષની એક છોકરીએ કેટલાક અજાણ્યા છોકરાઓએ છેડતી કરી હોવાની ફરિયાદનોંધવી હતી. જો કે, જ્યારે આ મામલે પોલીસે તપાસ કરી તો તેમને જાણ થઈ કે, છોકરીની સાથે આવો કોઈ બનાવ બનીયો નથી. પરંતુ બોયફ્રેન્ડ ન હોવાથી તેના મિત્રો તેને વારંવાર પરેશાન કરતાં હતા અને તેને બતાવી દેવા જ આ બનાવટી વાત ઉપજાવી કાઢી હતી.

ગુરુવારે છોકરી સ્કૂલથી ઘરે પરત ફરી હતી અને રસ્તામાં કેટલાક છોકરાઓએ તેની છેડતી કરી હોવાની વાત માતા-પિતાને જણાવી હતી. ફરિયાદ નોંધાવવા પર પોલીસ છોકરીને રાંદેર રોડ પર લઈ ગયા અને ક્યા આ ઘટના બની હતી તે જણાવવા કહ્યું. જે બાદ છોકરી આ રોડ પર આવેલી એક જગ્યા પર પોલીસની ટીમને લઈ ગઈ અને દાવો કર્યો કે જ્યારે તે સાઈકલની ચેન ઠીક કરી રહી હતી ત્યારે કેટલાક છોકરાએ તેની છેડતી કરી હતી.

છોકરીના નિવેદન બાદ પોલીસે તે વિસ્તારના કેટલાક દુકાનમાલિકો સાથે ઘટના વિશે વાતચીત કરવા માટે પહોંચી હતી. જો કે તેમણે આવી ઘટના બની ન હોવાનું કહ્યું હતું. જે બાદ પોલીસે ઘટનાસ્થળ પાસેની દુકાનોમાંથી સીસીટીવી ફૂટેજ હાથ ધર્યા હતા. જેમાં જોવા મળ્યું કે છોકરી તે વિસ્તારમાંથી સામાન્યરીતે જઈ રહી છે અને કોઈએ પણ તેની છેડતી કરી નથી.