ભારત સાથે સબંધ તોડવો પાકિસ્તાનને પડ્યો મોંઘો. ટામેટાનો ભાવ સોનું ખરીદવા બરાબર. જાણો અહીં

જમ્મુ કાશ્મીરમાંથી 370ની ધારા દૂર કરી એટલે મોટા ઉપાડે પાકિસ્તાને જાહેરાત તો કરી દીધી કે પાકિસ્તાન ભારત સાથેના સંબંધો તોડી નાંખશે, પરંતુ હવે પાકિસ્તાનને આ દોઢ ડહાપણ મોંઘુ પડી રહ્યું છે કારણ કે ભારતે ટામેટાની નિકાસ બંધ કરી દેતા હાલામાં ત્યાં ટામેટાના ભાવ આસમાને પહોંચ્યા છે. આ ભાવ વિશે જાણશો તો તમને પણ આશ્ચર્ય થશે કારણ કે હાલમાં ત્યાં એક કિલો ટામેટા 300 રૂપિયાના ભાવે વેચાઈ રહ્યા છે.

એક તો આમેય પાકિસ્તાનના લોકો મોંઘવારીનો સામનો કરી રહ્યા છે ત્યાં ટામેટાના ભાવ આસમાને પહોંચતા ત્યાંના લોકોની હાલત અત્યંત કપરી થઈ ગઈ હતી. પાકિસ્તાન સરકારે ભારત સાથેના તમામ સંબંધો તોડી નાંખવાનો નિર્ણય લીધાના દિવસોમાં જ ત્યાંની સ્થાનિક પ્રજા તમામ મોરચે પડકારોનો સામનો કરી રહી હતી, પરંતુ ટામેટા જીવનજરૂરિયતાની વસ્તુ હોય અને ભારતથી મોટી માત્રામાં ટામેટાની આયાત થતી હોવાને કારણે ટામેટાને લઈને તેમની હાલત અત્યંત ગંભીર થઈ ગઈ છે.