લઠ્ઠાકાંડમાં અનેક પરિવારો થયા બરબાદ- સતત વધી રહેલો મૃત્યુઆંક જાણો ક્યાં પહોચ્યો?

ગુજરાત(Gujarat): બોટાદ(Botad)ના બરવાળા લઠ્ઠાકાંડે(Barwala Lathtakand) તો અનેક પરિવારોને વેરવિખેર કરી નાખ્યાછે. કારણ કે આ ઝેરી દારૂએ કોઇનો પતિ છીનવી લીધો, તો આ દારુએ કોઇનો દીકરો છીનવી લીધો. જેને કારણે અનેક પરિવાર પર આભ ફાટ્યા જેવી સ્થિતિ સર્જાઇ જવા પામી છે. ત્યારે અમે જણાવી દઇએ કે, આ ગંભીર ઘટનામાં ઝેરી દારૂ પીવાથી અત્યાર સુધીમાં કુલ 41 લોકોના મૃત્યુ(41 people died) થયા હોવાના સમાચાર સામે આવ્યા છે.

કયા ગામના કેટલા લોકોના થયા મોત?
લઠ્ઠાકાંડમાં રોજીદ ગામમાં 10, ચદરવા ગામમાં 3, અણિયાળી ગામમાં  3, આકરું ગામમાં 3, ઉચડી ગામમાં 2, ભીમનાથ ગામમાં 1, કુદડા ગામમાં 2, ખરડ ગામમાં 1, વહિયા ગામમાં 2, સુંદરણીયા ગામમાં 1, પોલારપુર ગામમાં 2, દેવગણા ગામમાં 5, વેજલકા ગામમાં 1 અને રાણપરી ગામમાં 3 લોકોના મોત થયા છે.

કહેવામાં આવે છે કે, ગુજરાતમાં તો દારૂબંધી છે અને તે પણ બધાને ખબર છે. પરંતુ રાજ્યમાં ગલીએ ગલીએ દારૂ મળી રહ્યો છે, દેશી હોય કે ઈંગ્લિશ બુટલેગરો ઘર સુધી દારૂની ડિલીવરી આપી રહ્યા છે અને કોઈનો પણ ડર રાખ્યા વગર બેફામ બની રહ્યા. પણ આ બધું કોની રહેમનજર હેઠળ થઈ રહ્યું છે એ પણ બધા જાણતા જ હશું. પરંતુ આ રહેમનજર બોટાદના લઠ્ઠાકાંડમાં કેટલાંક પરિવારને બરબાદ કરી નાખ્યા છે. કારણ કે આ ઝેરી દારૂએ કોઇનો પતિ છીનવી લીધો, તો આ દારુએ કોઇનો દીકરો છીનવી લીધો

મળતી માહિતી અનુસાર, જેમાં ભાવનગર સિવિલમાં કુલ 88 દર્દીઓને સારવાર અર્થે લાવવામાં આવ્યા હતા. જેમાંથી હાલમાં 72 દર્દીઓ સારવાર લઈ રહ્યા છે. જ્યારે અન્ય 2 દર્દીઓની હાલત હજુ ગંભીર છે. તો બીજી તરફ અમદાવાદ સિવિલ હોસ્પિટલમાં 15 દર્દીઓ હાલ સારવાર લઈ રહ્યા છે. તો અત્યાર સુધીમાં કુલ 15 આરોપીઓની ધરપકડ કરવામાં આવી છે. ધરપકડ કરવામાં આવેલ આરોપીઓને આજે કોર્ટમાં રજૂ કરવામાં આવશે.