માતા-પિતા માટે ચેતવણીરૂપ કિસ્સો: રેલ્વે ટ્રેક પર રમતા બે બાળકોને ટ્રેને અડફેટે લેતા નીપજ્યા કરુણ મોત

રાજકોટ(ગુજરાત): તાજેતરમાં રાજકોટમાંથી માતા-પિતા માટે એક ચેતવણીરૂપ કિસ્સો સામે આવ્યો છે. જેમાં બે બાળકો રમતા રમતા રેલવે ટ્રેક પર પહોંચી ગયા હતા આ દરમિયાન અચાનક ટ્રેન આવી ગઈ હતી અને બાળકો કઈં સમજે તે પહેલા જ ટ્રેનની અડફેટે આવી ગયા હતા. જેમાં બંને બાળકોના કરૂણ મોત નિપજ્યા છે. ઘટનાની જાણ થતા માતા-પિતા તાત્કાલિક સ્થળ પર પહોંચી ગયા હતા અને બાળકોની લાશ જોઈ માતા-પિતાની હાલત પણ ખરાબ થઈ ગઈ હતી. તેમનું દુ:ખ જોઈ લોકોની આંખમાંથી પણ ભીની થઇ ગઈ હતી.

મળતી માહિતી મુજબ, જેતપુરમાં બે બાળકો રમતા-રમતા ભાદર નદીના રેલવે પુલ પર પહોંચી ગયા હતા. આ દરમિયાન અચાનક ટ્રેક પર ટ્રેન આવી જતા બે બાળકોના ટ્રેનની અડફેટે આવી જતા ઘટના સ્થળ પર જ કરૂણ મોત નિપજ્યા છે. હાલમાં બંને બાળકોના મૃતદેહને પોસ્ટમાર્ટમ માટે હોસ્પિટલ ખસેડવામાં આવ્યા છે. જ્યારે બાળકોના માતા-પિતાની રોઈ-રોઈને હાલત ખરાબ થઈ ગઈ છે.

જાણવા મળ્યું છે કે, જેતપુરમાં ભાદર નદીના પુલ નજીક એક કારખાનામાં પરપ્રાંતિય મજૂરો કામ કરી રહ્યા હતા. આ દરમિયાન તેમના બે બાળકો રમતા-રમતા પોતાની મસ્તીમાં રેલવે ટ્રેક પર જતા રહ્યા હતા. ત્યારે ત્રિવેન્દ્રપુરી-વેરાવળ એક્સપ્રેસ ટ્રેન આવી ગઈ અને બંને બાળકો કઈં સમજે તે પહેલા જ ટ્રેનની અડફેટે બંને બાળકો ફંગોળાઈ ગયા હતા.

આ ઘટનામાં બંને બાળકોના સ્થળ પર જ કરૂણ મોત નિપજ્યા છે. આ દર્દનાક ઘટનાબાદ લોકો એકઠા થવા લાગ્યા હતા અને બાળકોના માતા-પિતા પણ પહોંચી ગયા હતા. તેમણે પોતાના બાળકોની લોહીથી લથબથ લાશ જોતા, ત્યાં જ ભાંગી પડ્યા હતા. બાળકોને બાથમાં લઈ બંને રડવા લાગ્યા જતા આ દ્રશ્ય જોઈ હાજર તમામ લોકોની આંખમા પણ આંસુ આવી ગયા હતા.