ટ્વિટર યુવાનોને આપી રહી છે પૈસા કમાવવાની સુવર્ણ તક- બસ કરવું પડશે આ કામ

માઇક્રો બ્લોગિંગ સાઇટ ટ્વિટરે બગ બાઉન્ટિ પ્રોગ્રામની જાહેરાત કરી છે. આ અંગે, એવું કહેવામાં આવ્યું છે કે ઇમેજ-ક્રોપિંગ અલ્ગોરિધમમાં પૂર્વગ્રહો શોધવા માટે પુરસ્કારો આપવામાં આવશે. આમાં $ 3500 (આશરે 2,60,300 રૂપિયા) સુધીના ઈનામની જાહેરાત કરવામાં આવી છે.

આ કાર્યક્રમ હેકરો અને કોમ્પ્યુટર સંશોધકો માટે શરૂ કરવામાં આવ્યો છે. ટ્વિટર બગ બાઉન્ટી હરીફાઈ દ્વારા, હેકરો અને કોમ્પ્યુટર સંશોધકો ઈમેજ-ક્રોપિંગ અલ્ગોરિધમ્સના પૂર્વગ્રહો સમજાવશે. આ કાર્યક્રમ શરુ કરવામાં આવ્યો છે જ્યારે ટ્વિટર પર આરોપ છે કે તેના અલ્ગોરિધમ કાળા લોકો સાથે ભેદભાવ કરે છે.

સંશોધકોના જૂથ દ્વારા આ શોધવામાં આવી હતી. તેમાં કહેવામાં આવ્યું છે કે, આ તસવીર પૂર્વાવલોકનમાંથી કાળા લોકોના ચહેરાને દૂર કરે છે. આ અંગે ટ્વિટરે કહ્યું હતું કે તેના મશીન લર્નિંગ સંશોધકને જાણવા મળ્યું છે કે મહિલાઓની તરફેણમાં 8% અને શ્વેત ગોરા લોકોની તરફેણમાં 4% નો તફાવત છે.

આ અંગે ટ્વિટરે પોતાના લેટેસ્ટ બ્લોગમાં જણાવ્યું હતું કે આ સમસ્યાને દૂર કરવા માટે તેઓએ પોતાનો કોડ અન્ય લોકો માટે ઉપલબ્ધ કરાવ્યો છે જેથી તેમના કામને ફરીથી બનાવી શકાય. હવે તેઓ આ મામલે એક પગલું આગળ વધી રહ્યા છે.

આ અંગે, તે લોકોને આ અલ્ગોરિધમ (ઇમેજ ક્રોપિંગ અલ્ગોરિધમ) ના સંભવિત નુકસાન શોધવા માટે આમંત્રિત કરી રહ્યા છે. આપને જણાવી દઈએ કે તેના પડકારને લઈને શુક્રવારે ટ્વિટર સ્પેસ વાતચીતનું આયોજન કરવામાં આવ્યું હતું.

બગ બાઉન્ટી હરીફાઈ પુરસ્કાર અંગે ટ્વિટરે કહ્યું છે કે, વિજેતાની જાહેરાત 8 ઓગસ્ટના રોજ DEF CON AI વિલેજ વર્કશોપમાં કરવામાં આવશે. આમાં, પ્રથમ સ્થાન વિજેતાને $ 3500, બીજા સ્થાને $ 1000, ત્રીજા સ્થાને $ 500 નું ઇનામ આપવામાં આવશે. વિજેતાને હેકરઓન દ્વારા પુરસ્કાર આપવામાં આવશે. તમે આ માટે નોંધણી કરાવી શકો છો.

નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news
અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.