ભાવનગરના દરિયામાં ન્હાવા પડેલા બે યુવાનોના ડૂબી જવાથી મોત, ધુળેટીના દિવસે બંને પરિવારના કુળદીપક બુઝાયા

હાલમાં કોરોના મહામારીના ફેલાવામાં સતત વધારો થતો જઈ રહ્યો છે ત્યારે આવા સમયે ધૂળેટી પર્વની ઉજવણીને લઈ કેટલીક ગાઈડલાઈન્સનું પાલન કરવાં જણાવ્યા હતું. ભાવનગર જિલ્લામાં આવેલ કોળિયાકના દરિયામાં ધુળેટીના તહેવારને લઈ લોકો દરિયાકિનારે ન્હાવા માટે ઉમટી પડ્યા હતા.

જેમાંથી 3 યુવાનો ન્હાવા માટે ગયાં ત્યારે ડૂબવા લાગ્યા હતા જેમાંથી 2 યુવાનોનાં ડૂબી જતાં મોત થયા હતા તેમજ એકને ગંભીર હાલતમાં ભાવનગરની સર ટી હોસ્પિટલમાં લઈ જવામાં આવ્યો હતો. મળી રહેલ જાણકારી પ્રમાણે ધૂળેટીના તહેવાર નિમિત્તે આ યુવાનો કોળીયાક નિષ્કલંક મહાદેવના દરિયામાં નાહવા માટે ગયા હતા.

આ દરમિયાન દરિયાના પાણીમાં ગરકાવ થઇ જતા 25 વર્ષીય પંકજભાઈ સરવૈયા તથા રાકેશભાઈ એમ બંનેનાં દરિયાની વળતી ઓટમાં ડૂબી જવાને લીધે મોત થયા છે, જ્યારે સાથે રહેલ અન્ય એક યુવાનનું સ્થાનિક તરવૈયાઓએ રેસ્ક્યુ કરીને આબાદ બચાવ કરી લીધો છે.