ઉમરાનથી લઇને મોહસીન સુધી ભારતીય યુવાઓએ IPL 2022માં છાપ છોડી, ટીમ ઈન્ડિયાને મળ્યો ભવિષ્યનો નવો કેપ્ટન

IPL 2022ની સીઝન અમુક ભારતીય બોલરો પર ખરી ઉતરી હતી. જેમાં કેટલાક તેજસ્વી ઝડપી બોલરો ના નામ ભારતીય ટીમ માં લેવા માટે પણ સામે આવ્યા છે. હાર્દિક પંડ્યા (Hardik Pandya) ને પણ તેના ખરાબ પ્રદશન ને કારણે બોયકટ કરવામાં આવતો પણ હવે તેને સંભવિત કેપ્ટન તરીકેનો દાવો રજૂ કર્યો હતો.ઉપરાંત  હૈદરાબાદ માટે પ્રથમ વખત સંપૂર્ણ સિઝનમાં રમતા, ઉમરાન મલિકે (Umran Malik) 150 કિમી પ્રતિ કલાકથી વધુની ઝડપે સતત બોલિંગ કરવાની તેમની ક્ષમતા માટે વિશ્વનું ધ્યાન ખેંચ્યું.

ભારતીય પસંદગીકારો પણ તેમનાથી પ્રભાવિત થયા હતા, જ્યારે યુવા ડાબા હાથના ઝડપી બોલર મોહસીન ખાને(Mohsin Khan) નવી ફ્રેન્ચાઇઝી લખનૌ સુપર જાયન્ટ્સથી પ્રભાવિત કર્યા હતા, તેણે ગતિ અને ચોકસાઇવાળી બોલિંગનું અદભૂત દૃશ્ય રજૂ કર્યું હતું. આ ઉપરાંત, ચેન્નાઈ સુપર કિંગ્સના મુકેશ ચૌધરી અને સિમરજીત સિંહ, ગુજરાત ટાઈટન્સના યશ દયાલ અને રાજસ્થાન રોયલ્સના કુલદીપ સેન પણ વિશ્વની સૌથી મોટી T20 લીગમાં સ્થાન મેળવનારા ભારતીય ઝડપી બોલરોમાં સામેલ હતા.

રોહિત શર્માએ તિલક વર્માના કેપ્ટનની પ્રશંસા કરી હતી
કેટલાક યુવા બેટ્સમેનોએ પણ બતાવ્યું છે કે તેઓ ટોચના સ્તર પર રમવા માટે સક્ષમ છે. તેમાં મુંબઈ ઈન્ડિયન્સના તિલક વર્માનો પણ સમાવેશ થતો હતો, જેની તેના કેપ્ટન રોહિત શર્માએ પણ પ્રશંસા કરી હતી. રોહિતે આ ડાબા હાથના બેટ્સમેનને ભારતીય ટીમમાં રમવાનો દાવેદાર ગણાવ્યો હતો. ભારતના પૂર્વ બેટ્સમેન વીરેન્દ્ર સેહવાગ પંજાબ કિંગ્સના વિકેટકીપર બેટ્સમેન જીતેશ શર્માથી ખૂબ જ પ્રભાવિત હતા. તેની ટીમ પ્લે-ઓફમાં જગ્યા બનાવવામાં નિષ્ફળ રહી પરંતુ તેણે તકોનો ભરપૂર ફાયદો ઉઠાવ્યો.

અનકેપ્ડ ખેલાડીઓ થયા પ્રભાવિત
રાહુલ ત્રિપાઠી અને અભિષેક વર્મા થી ‘અનકેપ્ડ’ ખેલાડીઓમાં પ્રભાવિત થયા છે કે જેમણે કોઈ આંતરરાષ્ટ્રીય મેચ રમી નથી. જોકે ત્રિપાઠી ભારતીય ટીમમાં સ્થાન મેળવવાથી ચૂકી ગયો હતો. આ સિઝનથી હાર્દિક પંડ્યાએ ભારતના ભાવિ કેપ્ટન તરીકેનો દાવો રજૂ કર્યો છે. સીઝનની શરૂઆત પહેલા હાર્દિકની ફિટનેસ પર શંકા હતી પરંતુ તેણે બોલ અને બેટમાં શાનદાર પ્રદર્શન કરીને તેની નેતૃત્વ કૌશલ્યનો ખુલાસો કરીને ટીકાકારોની બોલતી બંધ કરી દીધી હતી.