કમાલ છે હો ભાઈ! જન્મ થયાને એક વર્ષ પૂર્ણ નથી થયું ત્યાં તો ટેણીયું કમાવવા લાગ્યું હજારો રૂપિયા

જો તમને કહેવામાં આવે કે એક વર્ષનો બાળક દર મહિને 75 હજાર રૂપિયા કમાય છે, તો તમે કદાચ આ વાત પર વિશ્વાસ નહીં કરો. પરંતુ આ બિલકુલ સાચું છે. અમે તમને આ 1 વર્ષના કમાઉ બાળક વિશે જણાવવા જઈ રહ્યા છીએ. આ બાળક દુનિયાભરમાં ફરીને પૈસા કમાઈ રહ્યો છે.

 

View this post on Instagram

 

A post shared by Baby Travel With Briggs (@whereisbriggs)

બાળક સોશિયલ મીડિયા પર છે લોકપ્રિય:
અમેરિકામાં રહેતા દરેક વ્યક્તિ આ બાળકને બેબી બ્રિગ્સ તરીકે ઓળખે છે. તેની ઉંમર માત્ર 1 વર્ષની છે અને સોશિયલ મીડિયા પર તેની લોકપ્રિયતા સ્ટાર જેવી છે. આ બાળક અત્યાર સુધીમાં અલાસ્કા, કેલિફોર્નિયા, ફ્લોરિડા, ઉટાહ અને ઇડાહો સહિત અમેરિકાના 16 રાજ્યોની મુલાકાત લઈ ચૂક્યો છે. આ સાથે તેણે અત્યાર સુધીમાં 45 ફ્લાઈટમાં મુસાફરી કરી છે.

બેબી ટ્રાવેલના વિચાર સાથે આગળ વધ્યું ભવિષ્ય:
બેબી બ્રિગ્સની માતા જેસે જણાવ્યું કે, બ્રિગ્સનો જન્મ ગયા વર્ષે 14 ઓક્ટોબરે થયો હતો. તેણીએ તેની પ્રથમ સફર જન્મના માત્ર ત્રણ અઠવાડિયામાં કરી હતી. 2020માં જ્યારે બ્રિગ્સની માતા ગર્ભવતી થઈ ત્યારે તેને લાગ્યું કે તેની કારકિર્દી ખતમ થઈ જશે, પરંતુ બ્રિગ્સના કારણે આવું કંઈ બન્યું નહીં. જેસે જણાવ્યું કે આ માસૂમના જન્મ પછી તેને બેબી ટ્રાવેલનો વિચાર આવ્યો અને તેણે ઈન્સ્ટાગ્રામ પર એકાઉન્ટ બનાવ્યું. આ પછી તેણે બ્રિગ્સ સાથે મુસાફરી કરવાનું શરૂ કર્યું. આ રીતે, જેસની કારકિર્દીએ ફરી વેગ પકડ્યો.