ચાલુ ગાડીએ ફોનમાં વાત કરનારા લોકો ચેતી જજો- નહીતર સરકાર કોરોના વચ્ચે ખાલી કરી નાખશે તમારા ખિસ્સા

ઘણા લોકોને બાઈક ચલાવતા-ચલાવતા મોબઈલ ફોન ઉપર વાત કરવાની ટેવ હોય છે. જેના કારણે અકસ્માત પણ થઈ શકે છે. જેને ધ્યાનમાં રાખીને ઉત્તરપ્રદેશમાં એક મહત્વ પૂર્ણ નિર્ણય લેવામાં આવ્યો છે. ઉત્તરપ્રદેશમાં ટ્રાફિકના નિયમોનું ભંગ કરવું એ હવે તમારા ખિસ્સા ઉપર ભારે પડી શકે છે. ઉત્તર પ્રદેશ પરિવહન વિભાગે ગુરુવારે એક જાહેરનામું બહાર પાડ્યું છે, જેમાં ટ્રાફિકના નિયમો તોડવા માટે ભારે દંડ લાદવામાં આવ્યો છે. હવે જો રાજ્યમાં કોઈ ડ્રાઇવિંગ કરતી વખતે મોબાઈલ ફોન પર વાત કરતા પકડાય તો તેને દંડ રૂપે 10,000 રૂપિયા ચૂકવવા પડશે.

માત્ર એટલું જ નહીં, ટુ-વ્હીલર ચાલકો માટે ભારે દંડની જોગવાઈ છે. જો ટુ વ્હીલર ડ્રાઇવરને હેલ્મેટ વગર પકડવામાં આવે તો તેને 1000 રૂપિયાનો દંડ ભરવો પડશે અને જો બીજી વખત તેને પકડવામાં આવશે તો તેને 10,000 રૂપિયા દંડ ભરવો પડશે. જણાવી દઈએ કે, સરકારે જૂન મહિનામાં આ માટેનો આદેશ પસાર કર્યો હતો અને હવે તેને લાગુ કરવા માટે જાહેરનામું બહાર પાડવામાં આવ્યું છે.

A penalty of Rs 10,000 to be imposed on people using mobile phones while driving. Notification issued by the State Transport Department on July 30, Thursday after #UttarPradesh govt passed this mandate in June. pic.twitter.com/tkqdGFLJfN

— ANI UP (@ANINewsUP) July 31, 2020

ટ્રાફિક નિયમોનું ઉલ્લંઘન કરવા બદલ લાદવામાં આવેલા આ જોરદાર દંડ પાછળ માર્ગ સલામતીને ધ્યાનમાં લેવામાં આવી છે. હકીકતમાં, તમને જણાવી દઈએ કે, ગયા વર્ષે કેન્દ્ર સરકારે એક નવો મોટર વ્હીકલ એક્ટ રજૂ કર્યો હતો, જેનો રાજ્યોએ તેમના મુજબ અમલ કર્યો હતો. મોટર વાહનો સુધારણા બિલ 2019 ને રાષ્ટ્રપતિ દ્વારા 9 ઓગસ્ટ 2019 ના રોજ મંજૂરી આપવામાં આવી હતી.