વડોદરા: સગીરાના પ્રેમીએ ભગાડીને કર્યો હતો દુષ્કર્મ, બંને હવસખોરો પોલીસના સકંજામાં

અમદાવાદ ક્રાઈમ બ્રાંચને મોટી સફળતા મળી છે. વડોદરા દુષ્કર્મના બે આરોપીઓને પકડી પડ્યા છે. ગુજરાત એ.ટી.એસ. સાથે વડોદરા ક્રાઈમ બ્રાંચ પણ દુષ્કર્મના આરોપીઓને ઝડપવા માટે આકાશ પાતળ એક કરી રહી હતી જે પછી આજે સ્કેચના આધારે બંન્ને આરોપીઓની ધરપકડ કરવામાં આવી છે. વડોદરામાં નવલખી તળાવ પાસે આ બંન્ને નરાધમોએ દુષ્કર્મ આચર્યું હતું જે ઘટનાની ચર્ચા સમગ્ર ગુજરાતમાં થઇ હતી.

જેના કારણે આરોપીઓને પકડી પાડવા માટે પોલીસે યુદ્ધના ધોરણે કામગીરી કરી હતી અને આરોપીઓના સ્કેચ તૈયાર કર્યા હતા. આમ છતાં આરોપીઓ પોલીસ પકડથી દૂર રહ્યાં હતા ત્યારે આજે પોલીસને મોટી સફળતા હાથ લાગતા, હવે આરોપીઓ જેલનાં સળીયા પાછળ નાંખવામાં પોલીસને મોટી સફળતા હાથ લાગી છે.

સગીરા પર સામુહિક બળાત્કારના કેસને પાર પાડવા માટે ગુજરાત એટીએસની ટીમ પણ તપાસમાં જોડાઈ હતી. ગત ગુરુવારે શહેરના નવલખી મેદાનમાં સગીરા સાથે સામુહિક દુષ્કર્મનો બનાવ બન્યો હતો. સગીરા પોતાના મિત્ર સાથે બેઠી હતી. તે દરમિયાન ઝાડીમાંથી બે યુવાનો તેની પાસે આવીને બંને યુવાનોએ સગીરાના મિત્ર સાથે મારામારી કરી અને સગીરાનું મોઢું દબાવી ઝાડીમાં લઈ ગયા હતા. જ્યાં બન્ને નરાધમોએ સગીરા સાથે સામુહિક દુષ્કર્મ આચર્યું હતું.