સુરત નજીક માંગરોળમાં ડમ્પર અને કાર અકસ્માતમાં મામલતદાર અને તેમના પતિનું મોત

ગુજરાતમાં અવાર-નવાર અકસ્માતની ઘટનાઓ સામે આવતી રહે છે. એક રીસર્ચ અનુસાર, એક દિવસ દરમ્યાન સરેરાશ 9 થી 10 અકસ્માતની ઘટનાઓ સામે આવે છે. આવા અકસ્માત દરમ્યાન ઘણા બધા લોકો પોતાનો જીવ ગુમાવતા હોય છે. આજે આવી જ એક દુઃનીય ઘટના સામે આવી છે. સુરત નજીક માંગરોલમાં ડમ્પર અને કાર વચ્ચે અકસ્માત દરમ્યાન માંડવીના મહિલા નાયબ મામલતદાર અને તેમના પતિનું કમકમાટી ભર્યું મોત નીપજ્યું છે.

આ સમગ્ર ઘટના સવારે 7 વાગ્યાની આસપાસ બની હોવાનું જાણવા મળી રહ્યું છે. માંગરોળ તાલુકાનાં વાંકલ ઝંખવાવ ગામના બહારના રસ્તા પર ડમ્પર અને કાર વચ્ચે અકસ્માત થયો છે. આ ગમખ્વાર અકસ્માતમાં કારમાં સવાર માંડવીના મહિલા નાયબ મામલતદાર અને તેમના પતિનું કમકમાટી ભર્યું મોત નીપજ્યું છે. હાલ માંગરોળ પોલીસ ઘટના સ્થળે પહોંચીને વધુ તપાસ હાથ ધરી છે. મળતી માહિતી પ્રમાણે, માંડવીના મહિલા નાયબ મામલતદારનાં પતિ સૂમૂલ ડેરીનાં કર્મચારી હતા.