સુરત બની લૂંટ નગરી: હેલ્મેટ પહેરીને આવેલા લૂંટારુઓ આવી રીતે લૂંટયા 90 લાખના ઘરેણાં

સુરતમા જાણે હવે લુંટારુઓને પોલીસની ખાખી વર્દીનો કોઇ જ ખોફ રહ્યો ન હોય તેવુ લાગી રહ્યુ છે. દિવાળીના સમયમા પોલીસ પેટ્રોલીંગ વચ્ચે 5 થી 6 જેટલા લુંટારુઓ દ્વારા પુણા વિસ્તારની વિધાતા જવેલર્સમા બંદુકની અણીએ રુ 90 લાખના સોનાના દાગીનાની લુંટ ચલાવી ભાગી છુટયા હતા. જે બનાવની જાણ થતા જ પુણા પોલીસ, ક્રાઇમબ્રાંચ તથા ઉપરી અધિકારીનો કાફલો ઘટના સ્થળે દોડી આવ્યા હતા.

જુઓ લૂંટનો દિલધડક વિડીયો:

સુરતના પુણા વિસ્તારમા આવેલી વિધાતા જવેલર્સમાં રાત્રિના નવ વાગ્યાના અરસામા અજાણ્યા પાચ થી છ ઇસંમો હેલ્મેટ તથા મોઢા પર રુમાલ બાંધી દુકાનમા ઘુસ્યા હતા. દુકાનમા ઘુસ્તા જ તેઓએ માલિક અને કર્મચારીને બંદુક બતાવી સાઇડ પર બેસાડી દીધા હતા. બાદમા તેઓએ દુકાનમાથી સોનાના દાગીનાની આખેઆખા બોક્ષ ગુંણચામા ભરી ત્યાથી ભાગી છુટયા હતા.