ભારત-ઓસ્ટ્રેલિયાની મેચ જોવા સ્ટેડિયમ પહોંચ્યો વિજય માલ્યા, જાણો શું કહ્યું

ભારતમાં હજારો કરોડનું ફૂલેકુ ફેરવીને ઈંગ્લેન્ડ ભાગી ગયેલો વિજય માલ્યા લંડનમાં ચાલી રહેલી ભારત-ઓસ્ટ્રેલિયા વચ્ચેની મેચ જોવા માટે સ્ટેડિયમમાં પહોંચ્યો હતો. વિજય માલ્યા હાલમાં જ ધ ઓવલ ક્રિકેટ ગ્રાઉન્ડની બહાર જોવા મળ્યો હતો અને તેણે સ્ટેડિયમની બહાર મીડિયાને કહ્યું હતું કે, હું અહિંયા મેચ જોવા આવ્યો છું.

આ પહેલીવાર નથી જ્યારે બેંકોના કરોડો રૂપિયા લઇને ભાગી ગયેલો વિજય માલ્યા મેચ જોવા આવ્યો હોય. પરંતુ આ પહેલા પણ તે ઇંગ્લેન્ડમાં ભારતની મેચમાં જોવા મળ્યો હતો. ત્યારે હોબાળો થયો હતો.

London: Vijay Mallya arrives at The Oval cricket ground to watch #IndvsAus match; says, “I am here to watch the game.” #WorldCup2019 pic.twitter.com/3eCK1wQHDq

— ANI (@ANI) June 9, 2019

ઉલ્લેખનીય છે કે, 18 એપ્રિલના રોજ બ્રિટનની કોર્ટે માલ્યાને મોટો ઝટકો આપ્યો હતો. જે મુજબ માલ્યા લંડનની ICICI બેંકમાંથી પોતાના પૈસા કાઢી નહીં શકશે. હાઈકોર્ટના જજ માસ્ટર ડેવિડ કુકે ભારતીય સ્ટેટ બેંક અને અન્ય બેંકોના ICICI બેંકની લંડન શાખામાં જમા માલ્યાના 2.34 કરોડ રૂપિયા સુધી પહોંચનો અંતિમ આદેશ આપ્યો હતો.