અહિયાં અચાનક આકાશમાંથી ટપોટપ પડવા લાગ્યા જીવતા અને મરેલા ઉંદર- આ વિડીયો જોઇને આંખો પહોળી થઇ જશે

એવી ઘણી અજીબોગરીબ ઘટનાઓ વિષે તમે સાંભળ્યું હશે જે દરેકને આશ્ચર્યમાં મૂકી દેતી હોય છે. એવી જ એક આશ્ચર્યજનક ઘટના હાલ સામે આવી છે જેમાં ઓસ્ટ્રેલિયામાં ઉંદર પડી રહ્યા હોય તેવા એક વીડિયોએ સોશિયલ મીડિયા પર વાઈરલ થતા લોકોને ડરમાં મુકી દીધા છે.

આ વીડિયોમાં જોવા મળે છે કે, એક ખેતરમાં અનાજ રાખવાના ગોદામ સાફ કરવામાં આવી રહ્યા છે. આ ગોદામના પંપથી જીવતા અને મરેલા ઉંદર બહાર આવી રહ્યા છે. નીચે પડી રહેલા ઉંદરનો આ વીડિયો સોશિયલ મીડિયા પર ઘણો વાયરલ થયો છે. ઘણા લોકો આ વીડિયોને જોઈને ડરી ગયા છે. કારણ કે, હાલના દિવસોમાં ઇઝરાયેલમાંથી પ્લેગના ઘણા કેસ સામે આવ્યા છે.

આ વીડિયોમાં જોવા મળે છે કે, મોટી માત્રામાં ઉંદરો અનાજ સાથે નીચે પડી રહ્યા હતા. હાલત એવી થઇ ગઈ હતી કે, ઉંદરનો ઢગલો થઇ ગયો હતો. આ દરમિયાન ઘણા ઉંદરો ભાગવામાં સફળ રહ્યા હતા. ઉપરાંત ઘણા ઉંદરો મરેલા ઉંદરોની નીચે આવી ગયા હતા. ટ્વિટર પર શેર કરેલા આ વીડિયો પર અત્યાર સુધી ઘણી કોમેન્ટ આવી છે.

લૂસીએ લખ્યું કે, ગોદામની અંદર અનાજ ભરેલુ હતું છતા તેની અંદર ઉંદરો કેવી રીતે ઘુસી ગયા. આ વીડિયોને જોઈને લોકો ડરી ગયા છે. આ અંગે એક ટ્વિટર યૂઝરે લખ્યું કે, મેં આખા વર્ષે જે અજીબોગરીબ ચીજો જોઇ તેમાં આ સૌથી ખરાબ છે. અન્ય એક યૂઝરે લખ્યું કે, મેં બિલાડી અને કુતરાના વરસાદ વિશે સાંભળ્યું છે પણ ઉંદરોનો વરસાદ વિશે ક્યારેય નથી સાંભળ્યું.