18 વર્ષના ભારતીય ટેબલ ટેનિસ ખેલાડીનું માર્ગ અકસ્માતમાં નિધન, પીએમ મોદીએ પાઠવી શ્રદ્ધાંજલિ

તમિલનાડુ(Tamil Nadu): ઓસ્ટ્રિયાના લિન્ઝમાં 27 એપ્રિલથી યોજાનારી વર્લ્ડ ટેબલ ટેનિસ(World table tennis) યુવા સ્પર્ધકો માટે ટીમ ઈન્ડિયામાં પસંદગી પામેલા તમિલનાડુના વિશ્વ દીનદયાલન(Vishwa Dindayal)નું માર્ગ અકસ્માતમાં મૃત્યુ થયું છે. તે 83મી સિનિયર નેશનલ અને ઈન્ટર સ્ટેટ ટેબલ ટેનિસ ચેમ્પિયનશિપમાં ભાગ લેવા માટે ટેક્સીમાં ગુવાહાટીથી શિલોંગ જઈ રહ્યો હતો. તેમની ટેક્સી ઉમલી ચેકપોસ્ટ પાસે વિરુદ્ધ દિશામાંથી આવી રહેલું ટ્રેલર ડિવાઈડર ક્રોસ કરતી વખતે અથડાઈને ખીણમાં પડી ગઈ હતી. ટેક્સી ડ્રાઈવરનું ઘટનાસ્થળે જ મૃત્યુ થયું હતું, જ્યારે વિશ્વાને નોર્થ ઈસ્ટર્ન ઈન્દિરા ગાંધી રિજનલ ઈન્સ્ટિટ્યૂટ ઑફ હેલ્થ એન્ડ મેડિકલ સાયન્સ દ્વારા મૃત જાહેર કરવામાં આવ્યો હતો.

ટેક્સીમાં સવાર અન્ય ત્રણ લોકો સારવાર હેઠળ
જ્યારે તેની સાથે ટેક્સીમાં મુસાફરી કરી રહેલા અન્ય રમેશ સંતોષ કુમાર, અવિનાશ પ્રસન્નાજી શ્રીનિવાસન અને કિશોર કુમારને ગંભીર ઈજાઓ થઈ હતી. તબીબોના જણાવ્યા અનુસાર ત્રણેયની હાલત સ્થિર છે અને તેઓ ખતરાની બહાર છે. ટેબલ ટેનિસ ફેડરેશન ઓફ ઈન્ડિયા (TTFI) એ અકસ્માતની પુષ્ટિ કરી છે. એક તામિલનાડુ ખેલાડી, જે વરિષ્ઠ રાષ્ટ્રીય અને આંતર-રાજ્ય ટેબલ ટેનિસ ટુર્નામેન્ટમાં ભાગ લેવા જઈ રહ્યો હતો, તેનું મેઘાલયના રી-ભોઈ ખાતે અકસ્માતમાં મૃત્યુ થયું હતું, એમ એક નિવેદનમાં બહાર પાડવામાં આવ્યું હતું.

18-yr-old D Vishwa, one of the top tennis players died in a road accident on Sunday, April 17, while travelling by road from Guwahati to Shillong for 83rd Senior National & Inter-State table tennis championships that starts today. His car was hit by a truck on NH 6, as per police pic.twitter.com/J8QkhJAn6t

— ANI (@ANI) April 18, 2022

પૂર્વ કેન્દ્રીય ખેલ મંત્રીએ વ્યક્ત કર્યું દુઃખ
ભૂતપૂર્વ કેન્દ્રીય રમતગમત મંત્રી કિરેન રિજિજુએ સોશિયલ મીડિયા પર એક પોસ્ટ જાહેર કરીને વિશ્વના નિધન પર શોક વ્યક્ત કર્યો છે. તેણે પોતાની પોસ્ટમાં કહ્યું કે તે જાણીને ખૂબ જ દુઃખ થયું છે કે તમિલનાડુના યુવા ટેબલ ટેનિસ ખેલાડી દીનદયાલનનું માર્ગ અકસ્માતમાં મૃત્યુ થયું છે.